കൊച്ചി: ഹജ്ജിനാവശ്യമായ എല്ലാ ഔദ്യോഗിക പെർമിറ്റുകളും പ്രദർശിപ്പിക്കാൻ അനുവദിക്കുന്ന ഒരു പുതിയ പ്ലാറ്റ്ഫോം സഊദി സർക്കാർ അവതരിപ്പിച്ചു. ഹജ്ജ് തീർത്ഥാടനത്തിനായി പുണ്യസ്ഥലങ്ങളിൽ എത്തുന്ന വിശ്വാസികളുടെ യാത്ര സുഗമമാക്കുന്നതിനായുള്ള ഒരു പുതിയ സംരഭമാണിത്.

തവക്കൽന ആപ്പ് വഴിയുള്ള ഏറ്റവും പുതിയ സേവനം ഹജ്ജ് പെർമിറ്റുകൾക്കായുള്ള ഏകീകൃത ഡിജിറ്റൽ പ്ലാറ്റ്‌ഫോമായ "തസ്രീഹ്" (അനുമതികൾ) ആയി ബന്ധിപ്പിച്ചിട്ടുണ്ട്. സഊദി ഡാറ്റ ആൻഡ് ആർട്ടിഫിഷ്യൽ ഇന്റലിജൻസ് അതോറിറ്റിയുമായി സഹകരിച്ച് സഊദി ആഭ്യന്തര മന്ത്രാലയമാണ് ഈ പ്ലാറ്റ്ഫോം അവതരിപ്പിച്ചത്. 

മക്കയിലേക്കും മറ്റ് പുണ്യസ്ഥലങ്ങളിലേക്കും പ്രവേശിക്കാൻ ആഭ്യന്തര, വിദേശ തീർഥാടകർക്ക് അനുമതി നൽകുന്ന സഊദി സർക്കാർ ഏജൻസികൾ നൽകുന്ന എല്ലാത്തരം ഹജ്ജ് പെർമിറ്റുകളുടെയും പുനഃപരിശോധന തവക്കൽന ആപ്പിലൂടെ സാധ്യമാകും. 

ഹജ്ജ് മന്ത്രാലയവുമായി സാങ്കേതികമായി സംയോജിപ്പിച്ച "നുസുക്" പ്ലാറ്റ്ഫോമിലൂടെയാണ് ഈ സേവനം നൽകുന്നത്. ഹജ്ജ് സീസണിലെ തൊഴിലാളികൾ, സന്നദ്ധപ്രവർത്തകർ, ഗതാഗത വാഹനങ്ങൾ എന്നിവയ്ക്കുള്ള പെർമിറ്റുകൾ ഇതിൽ ഉൾപ്പെടുന്നു.

അനധികൃത തീർത്ഥാടകരെ തടയാൻ സഊദി അധികൃതർ കർശനമായ നടപടികൾ എടുത്തിട്ടുണ്ട്. നിയമലംഘകർക്കും ഇവരെ സഹായിക്കുന്നവർക്കും കടുത്ത പിഴയടക്കമുള്ള ശിക്ഷകൽ നൽകി വരുന്നുണ്ട്.

കഴിഞ്ഞ വർഷം 18 ലക്ഷത്തോളം തീർത്ഥാടകരാണ് ഹജ്ജ് നിർവ്വഹിച്ചത്, ഇതിൽ 16 ലക്ഷം പേർ വിദേശികളായിരുന്നു. ശാരീരികവും സാമ്പത്തികവും ആയി സാധ്യതയുള്ള എല്ലാ മുസ്‌ലിങ്ങളും ജീവിതത്തിൽ ഒരിക്കൽ ഹജ്ജ് നിർവഹിക്കേണ്ടതാണ്.

Saudi Arabia has introduced a new digital service on the Tawakkalna app to streamline Hajj 2025 preparations. The platform allows pilgrims to view all official permits, including those for workers, volunteers, and transport vehicles, ensuring a smoother pilgrimage experience.