ന്യൂഡല്‍ഹി: ഭീകരതക്കെതിരായ നീക്കമായിരുന്നു ഓപ്പറേഷന്‍ സിന്ദൂര്‍ എന്ന് ഇന്ത്യ. ഇന്ത്യയുടെ പോരാട്ടം ഭീകരതക്കെതിരെ മാത്രമാണ്. ഭീകരരുടെ കേന്ദ്രങ്ങള്‍ മാത്രമാണ് ഓപറേഷന്‍ സിന്ദൂര്‍ ലക്ഷ്യമിട്ടതെന്നും സേനാ മേധാവിമാര്‍ നടത്തിയ സംയുക്ത വാര്‍ത്താ സമ്മേളനത്തില്‍ വ്യക്തമാക്കി.  

പാകിസ്താന്‍ ഭീകരവാദികള്‍ക്കൊപ്പം നില്‍ക്കുന്നുവെന്ന് സൈനിക മേധാവിമാര്‍ കുറ്റപ്പെടുത്തി. 

'നമ്മുടെ പോരാട്ടം തീവ്രവാദികളോടും അവരുടെ അടിസ്ഥാന സൗകര്യങ്ങളോടും ആയിരുന്നു. പാകിസ്ഥാന്‍ സൈന്യത്തിനെതിരെയല്ല. അതുകൊണ്ടാണ് മെയ് ഏഴിന് നമ്മള്‍ ഭീകര ക്യാംപുകള്‍ മാത്രം അക്രമിച്ചത്. പാകിസ്ഥാന്‍ സൈന്യം തീവ്രവാദികളോടൊപ്പം നില്‍ക്കുകയും അത് സ്വന്തം പോരാട്ടമാക്കുകയും ചെയ്യുന്നത് വളരെ ദുഃഖകരമാണ്. അതുകൊണ്ടാണ് നമ്മുടെ തിരിച്ചടി ആവശ്യമായി വന്നത്. അവരുടെ നഷ്ടങ്ങള്‍ക്ക് അവര്‍ തന്നെയാണ് ഉത്തരവാദികള്‍' വാര്‍ത്താസമ്മേളനത്തില്‍ ചൂണ്ടിക്കാട്ടി. 

രാജ്യത്തെ സംരക്ഷിക്കാനുള്ള ഭിത്തി പോലെയാണ് വ്യോമസേനാ സംവിധാനം നിലകൊണ്ടതെന്ന് മുതിര്‍ന്ന ഉദ്യോഗസ്ഥന്‍ ചൂണ്ടിക്കാട്ടി. ഇന്ത്യയുടെ തിരിച്ചടിയും വ്യോമസേനയുടെ സൈനിക പോരാട്ടങ്ങളും വാര്‍ത്ത സമ്മേളനത്തില്‍ വിശദീകരിച്ചു.  

#OperationSindoor | Delhi: When asked if India hit Kirana Hills, Air Marshal AK Bharti says, "Thank you for telling us that Kirana Hills houses some nuclear installation, we did not know about it. We have not hit Kirana Hills, whatever is there." pic.twitter.com/wcBBVIhif1

— ANI (@ANI) May 12, 2025

'വ്യോമസേനയുടെ സന്നാഹങ്ങള്‍ ഉപയോഗിച്ചും പാകിസ്താനെ ചെറുത്തു. ആകാശ് പ്രതിരോധ സംവിധാനവും പോര്‍മുഖത്ത് ഉപയോഗിച്ചു' അവര്‍ ചൂണ്ടിക്കാട്ടി.  ചൈനയുടെ മിസൈലുകളെ പോലും ഇന്ത്യന്‍ വ്യോമസേന ചെറുത്തവെന്ന് പറഞ്ഞ സൈനിക മേധാവിമാര്‍ ചൈനയുടെ ദീര്‍ഘദൂര മിസൈലുകളെയും തകര്‍ത്തുവെന്നും കൂട്ടിച്ചേര്‍ത്തു. ചൈനയുടെ PL15 മിസൈലുകളെയാണ് തകര്‍ത്തത്. കറാച്ചിയിലും ആക്രമണം നടത്തിയെന്നും റഹമിയാര്‍ ഖാന്‍ വ്യോമ താവളം തകര്‍ന്നെന്നും  സേന മേധാവിമാര്‍ പറഞ്ഞു. പാകിസ്ഥാന്റെ വ്യോമത്താവളങ്ങള്‍ തകര്‍ക്കുന്ന ദൃശ്യങ്ങള്‍ പുറത്തുവിട്ടുവെന്നും അവര്‍ വ്യക്തമാക്കി.