മസ്കറ്റ് : സി. ബി. എസ്. സി. പത്ത്, പന്ത്രണ്ട്  ക്ലാസുകളിലെ  പരീക്ഷാഫലം  പുറത്തുവന്നപ്പോൾ മികച്ച നേട്ടം സ്വന്തമാക്കി  ഇന്ത്യൻ സ്കൂൾ അൽ മബേല. പരീക്ഷ എഴുതിയ എല്ലാ വിദ്യാർഥികളും മികവാർന്ന വിജയം നേടിയാണ്  ഉന്നത പഠനത്തിന് അർഹതനേടിയത്.        

സയൻസ്  വിഭാഗത്തിൽ  നവനീത് ഗോപാലൻ 98.2 ശതമാനവുമായി ഒന്നാമതെത്തിയപ്പോൾ  സയ്യിദ് ഷിഫ തഹസീൻ 95.8 ശതമാനവും അഞ്ജലി ആൻ ജോയ് 95.4 ശതമാനവും നേടി യഥാക്രമം രണ്ടും മൂന്നും സ്ഥാനങ്ങളിലെത്തി.  കൊമേഴ്‌സിൽ വിഭാഗത്തിൽ  താഹ ഗുലാം അബ്ബാസ് 95.8 ശതമാനം,തീക്ഷണ ജോജോ 95.2ശതമാനം, സൈറ ഷമീർ 95ശതമാനം നേടി ആദ്യ മൂന്നു സ്ഥാനങ്ങളിലെത്തിയപ്പോൾ ഹ്യുമാനിറ്റീസ് വിഭാഗത്തിൽ ഹനിയ ഫൈസൽ അബ്ദുള്ള,വേദ പ്രശാന്ത് എന്നീ വിദ്യാർഥികൾ 96.6ശതമാനം നേടി ഒന്നാമതും   ദേവാംഗന ജൂബിഷ് 95.8ശതമാനം, സന സൂഫിയ ഷെയ്ഖ് 91.6ശതമാനം  യഥാക്രമം രണ്ടും മൂന്നും സ്ഥാനങ്ങളിൽ എത്തി.
പരീക്ഷ എഴുതിയ 127 വിദ്യാർത്ഥികൾ 90 ശതമാനത്തിലധികം മാർക്ക് നേടിയാണ് വിജയം സ്വന്തമാക്കിയത്. ആർട്ടിഫിഷ്യൽ ഇന്റലിജൻസ് (05), കമ്പ്യൂട്ടർ സയൻസ് (01), യോഗ (13), സൈക്കോളജി (02) എന്നീ  വിഷയങ്ങളിൽ  വിദ്യാർത്ഥികൾ  നൂറിൽ നൂറും മാർക്കുനേടി വിജയത്തിളക്കത്തിന് മാറ്റുകൂട്ടി. 

പത്താം ക്ലാസ് പരീക്ഷ എഴുതിയ 262 വിദ്യാർത്ഥികളും ഉയർന്ന മാർക്ക് കരസ്ഥമാക്കിയാണ്  വിജയിച്ചത്. 97.8 ശതമാനം മാർക്ക് നേടി സാധന മലൈരാജ് സ്കൂൾ തലത്തിൽ ഒന്നാമതെത്തിയപ്പോൾ 96.6 ശതമാനം മാർക്ക് നേടി ധാര രാജീവും  മിഖൽ മരിയ ജോർജും രണ്ടാമതെത്തി.അസിൻ മരിയ ബെൻ & പ്രണവ് സിദ്ധേഷ്കുമാർ വേലമ്മൽ എന്നിവർ 96.4ശതമാനം മാർക്ക് നേടി മൂന്നാം സ്ഥാനവും കരസ്ഥമാക്കി. പരീക്ഷ എഴുതിയവരിൽ  63  വിദ്യാർത്ഥികൾ 90 ശതമാനത്തിലധികം മാർക്കോടെയാണ് ഉന്നതപഠനത്തിന് യോഗ്യതനേടിയത്. കൂടാതെ പതിനെട്ട് വിദ്യാർത്ഥികൾ വ്യത്യസ്ത വിഷയങ്ങളിൽ നൂറിൽ നൂറും നേടി  സ്കൂളിന്റെ താരങ്ങളായി മാറി. ഗണിതം (01), മലയാളം (01), സംസ്കൃതം (02), അറബിക് (01) ആരോഗ്യസംരക്ഷണം (01), ഇലക്ട്രോണിക്സ് & ഹാർഡ്‌വെയർ (01), ആർട്ടിഫിഷ്യൽ ഇന്റലിജൻസ് (01), ഇൻഫർമേഷൻ ടെക്നോളജി (03), ഫിസിക്കൽ ആക്ടിവിറ്റി ട്രെയിനർ (07) ശ്രദ്ധേയനേട്ടം കരസ്ഥമാക്കിയ വിദ്യാർത്ഥികളെയും   കൂടാതെ, വിജയം സ്വന്തമാക്കാൻ പിന്തുണ നൽകിയ സ്കൂൾ പ്രിൻസിപ്പലിനെയും അധ്യാപകരെയും രക്ഷിതാക്കളെയും സ്കൂൾ മാനേജ്‌മെന്റ് കമ്മിറ്റി പ്രസിഡന്റ് ഡോ. വികാസ് റാവു നായിഡു  അഭിനന്ദിച്ചു.

Mabela Indian School has secured impressive results in the recent CBSE examinations, showcasing the academic excellence and dedication of its students and faculty. The school's outstanding performance highlights its commitment to providing quality education and nurturing talent [1].