സാവോപോളോ: ബ്രസീൽ ഫുട്ബോൾ ടീമിന്റെ പരിശീലക സ്ഥാനം ഏറ്റെടുത്തതിന് പിന്നാലെ പുതിയ നീക്കങ്ങളുമായി കാർലോ ആൻസലോട്ടി. ഏതാനും ദിവസം മുൻപായിരുന്നു ബ്രസീൽ ഫുട്ബോൾ അസോസിയേഷൻ ആൻസലോട്ടിയെ പരിശീലകസ്ഥാനം ഏൽപിച്ച കാര്യം അറിയിച്ചത്.

മാഞ്ചസ്റ്റർ യുനൈറ്റഡിനായി കളിക്കുന്ന കസാമിറോയെ ബ്രസീൽ ദേശീയ ടീമിലേക്ക് തിരികെ കൊണ്ടുവരുമെന്ന് ആൻസലോട്ടി ആവശ്യപ്പെട്ടതായി വാർത്തകളുണ്ടായിരുന്നു. ടീമിന്റെ സഹപരിശീലക സ്ഥാനത്തേക്ക് മുൻ ബ്രസീൽ താരം കക്കയെ എത്തിക്കാനാണ് കാർലോ ആൻസലോട്ടി ശ്രമിക്കുന്നത്.

നേരത്തെ എ.സി മിലാനിൽ ഇരുവരും ഒരുമിച്ച് പ്രവർത്തിച്ചിട്ടുള്ളതിനാൽ ഭാവിയിൽ കക്കയുടെ വരവ് ബ്രസീൽ ടീമിന് ഗുണം ചെയ്യുമെന്നുമാണ് ആൻസലോട്ടി പറയുന്നത്. നിലവിൽ കക്ക പരിശീലക വേഷത്തിൽ സജീവമല്ലെങ്കിലും ആൻസലോട്ടിക്കൊപ്പം ചേർന്നാൽ മികച്ച ടീമിനെ വാർത്തെടുക്കാൻ കഴിയുമെന്നാണ് പ്രതീക്ഷ. 

എന്നാൽ ബ്രസീൽ ഫുട്ബോൾ കോൺഫെഡറേഷൻ (സിബിഎഫ്) ഇക്കാര്യത്തിൽ ഔദ്യോഗികമായി യാതൊരു പ്രസ്താവനയും നടത്തിയിട്ടില്ല. 26നാകും ആൻസലോട്ടി ഔദ്യോഗികമായി ബ്രസീൽ ടീമിൻ്റെ പരിശീല സ്ഥാനം ഏറ്റെടുക്കുക.

Carlo Ancelotti wants former Brazil star Kaka to be assistant coach of the Brazil team