ദുബൈ: മൂന്ന് പേരുടെ മരണത്തിന് കാരണമായ റാസല്‍ഖൈമയിലെ വെടിവയ്പ്പ് കേസിലെ പ്രതിയെ ധീരതയോടെ നേരിട്ട പൊലിസ് ഉദ്യോഗസ്ഥനെ ആദരിച്ച് യുഎഇ ഭരണകൂടം.

റാസല്‍ഖൈമ പൊലിസ് ജനറല്‍ ആസ്ഥാനത്തെ കോര്‍പ്പറല്‍ അഹമ്മദ് അലി അല്‍ ബെലൂഷിയെ ഉപപ്രധാനമന്ത്രിയും ആഭ്യന്തര മന്ത്രിയുമായ ലെഫ്റ്റനന്റ് ജനറല്‍ ഷെയ്ഖ് സെയ്ഫ് ബിന്‍ സായിദ് അല്‍ നഹ്യാന്‍ ആദരിച്ചു. തന്റെ കടമ നിറവേറ്റുന്നതില്‍ അദ്ദേഹം കാണിച്ച അചഞ്ചലമായ ധീരതയും അചഞ്ചലമായ സമര്‍പ്പണവും പരിഗണിച്ചാണ് അദ്ദേഹത്തെ ആദരിച്ചത്.

ചടങ്ങില്‍, ഷെയ്ഖ് സെയ്ഫ് കോര്‍പ്പറല്‍ അല്‍ ബെലൂഷിയുടെ ധീരത, സഹജാവബോധം, പ്രശംസനീയമായ സ്വഭാവം, ജീവനും സ്വത്തിനും സംരക്ഷണം നല്‍കുന്നതിലും പൊതു സുരക്ഷയും ശക്തിപ്പെടുത്തുന്നതിലുമുള്ള അചഞ്ചലമായ പ്രതിബദ്ധത എന്നിവയെ പ്രശംസിച്ചുകൊണ്ട് അദ്ദേഹത്തിന് സുരക്ഷാ സെന്‍സ് മെഡല്‍ സമ്മാനിച്ചു.

ആദരിക്കല്‍ ചടങ്ങില്‍ ആഭ്യന്തര മന്ത്രാലയം അണ്ടര്‍സെക്രട്ടറി മേജര്‍ ജനറല്‍ ഖലീഫ ഹരേബ് അല്‍ ഖൈലി, റാസല്‍ഖൈമ പൊലിസ് മേധാവി മേജര്‍ ജനറല്‍ അലി അബ്ദുല്ല ബിന്‍ അല്‍വാന്‍ അല്‍ നുഐമി, ആഭ്യന്തര മന്ത്രാലയത്തിലെ നിരവധി ഉദ്യോഗസ്ഥര്‍ എന്നിവര്‍ പങ്കെടുത്തു.

ദിവസങ്ങള്‍ക്കു മുമ്പാണ് വഴിതര്‍ക്കത്തെ തുടര്‍ന്ന് റാസല്‍ഖൈമയില്‍ മൂന്നു പേര്‍ കൊല്ലപ്പെട്ടത്. 66 വയസ്സുള്ള മാതാവും 36,38 വയസ്സുള്ള രണ്ട് പെണ്‍മക്കളുമാണ് സംഭവത്തില്‍ കൊല്ലപ്പെട്ടത്. 47കാരിയായ മൂന്നാമത്തെ മകള്‍ക്ക് പരുക്കേറ്റിരുന്നു.

ഇടുങ്ങിയ വഴിയിലൂടെ വാഹനം ഡ്രൈവ് ചെയ്തുപോകാന്‍ ശ്രമിച്ചപ്പോഴാണ് തര്‍ക്കം ആരംഭിച്ചതെന്ന് അധികൃതര്‍ പറഞ്ഞു. തുടര്‍ന്ന് സംഘര്‍ഷം രൂക്ഷമാകുകയും അറബ് പൗരനായ 55കാരനായ പ്രതി തോക്ക് ചൂണ്ടി സ്ത്രീകള്‍ക്ക് നേരെ വെടിയുതിര്‍ക്കുകുമായിരുന്നു. ഇരുപതു വര്‍ഷത്തിലേറെയായി യുഎഇയില്‍ താമസിക്കുന്ന കുടുംബത്തിലെ അംഗങ്ങളാണ് കൊല്ലപ്പെട്ടത്. സംബവം രാജ്യത്തെയാകെ ഞെട്ടിച്ചിരുന്നു.

പെട്ടെന്നുതന്നെ അന്വേഷണം ആരംഭിച്ച പൊലിസ് തുടര്‍ന്ന് ആയുധം കണ്ടുകെട്ടി, കേസ് പബ്ലിക് പ്രോസിക്യൂഷന് കൈമാറി.

Following the Ras Al Khaimah shooting incident, the UAE government pays tribute to a courageous policeman whose fearless actions have made him a national symbol of bravery.