സാല്‍ഫോര്‍ഡ്:  ബിബിസിയുടെ എല്ലാ ചാനലുകളും 2030കളോടെ സംപ്രേക്ഷണം നിര്‍ത്തുമെന്നും ഓണ്‍ലൈനിലേക്കു മാത്രമായി മാറുമെന്നും ബിബിസി മേധാവി ടിം ഡേവി. പരമ്പരാഗത പ്രക്ഷേപണ സംവിധാനങ്ങള്‍ ഒഴിവാക്കുമെന്നും ഇന്റര്‍നെറ്റിലേക്കു മാത്രമായി പ്രവര്‍ത്തനം മാറ്റുമെന്നുമാണ് ബിബിസി ബോസ് ടിം ഡേവിയുടെ സ്ഥിരീകരണം.

2024 ജനുവരി 8 മുതല്‍ ബിബിസി സാറ്റലൈറ്റുകളിലെ സ്റ്റാന്‍ഡേര്‍ഡ് ഡെഫനിഷന്‍(എസ്ഡി) ഉപഗ്രഹ പ്രക്ഷേപണങ്ങള്‍ക്ക് പകരം ഹൈ ഡെഫനിഷന്‍(എച്ച്ഡി) പതിപ്പുകളിലേക്കു മാറിയിരുന്നു. ഇതിനു ശേഷമാണ് പുതിയ പ്രഖ്യാപനം. 
ലണ്ടനിലാണ് ബ്രിട്ടീഷ് ബ്രോഡ്കാസ്റ്റിങ് കോര്‍പറേഷന്റെ(ബിബിസി)ആസ്ഥാനം.

ബ്രിട്ടീഷ് പബ്ലിക് സര്‍വിസ് ബ്രോഡ്കാസ്റ്ററായ ബിബിസി 1922ല്‍ ആണ് സ്ഥാപിതമായത്. പിന്നീട് 1927ലെ പുതുവത്സര ദിനത്തിലാണ് നിലവിലെ പേരില്‍ ബിബിസി പ്രവര്‍ത്തനമാരംഭിച്ചത്. എല്ലാം കൊണ്ടും മാധ്യമരംഗത്തെ അധികായരാണ് ബിബിസി. 21000 ത്തിലധികം ജീവനക്കാരാണ് ബിബിസിയില്‍ പ്രവര്‍ത്തിക്കുന്നതെന്നാണ് കണക്ക്. 1922ല്‍ രൂപീകരച്ച ബിബിസി 1923ല്‍ ആദ്യത്തെ ബ്രോഡ്കാസ്റ്റ് ലിസ്റ്റിങ് മാസികയായ റേഡിയോ ടൈംസ് ആരംഭിച്ചു.