കൊച്ചി: ലോകചാമ്പ്യന്‍മാരായ അര്‍ജന്റീനയും സൂപ്പര്‍താരം ലിയോണല്‍ മെസിയും ഈ വര്‍ഷം കേരളത്തിലേക്ക് എത്തില്ലെന്ന് ഔദ്യോഗികമായി സ്ഥിരീകരിച്ചു. 2024-ലെ സൗഹൃദ മത്സരങ്ങളുടെ ഫിക്‌സ്ചറുകള്‍ പുറത്തുവന്നതോടെ ടീം ഈ വര്‍ഷം ഇന്ത്യയിലെത്താനുള്ള സാധ്യത അവസാനിച്ചു.

ചൈനയില്‍ മത്സരങ്ങള്‍, ഇന്ത്യയ്ക്ക് നിരാശ:

ഒക്ടോബറില്‍ അര്‍ജന്റീന ചൈനയില്‍ രണ്ട് സൗഹൃദ മത്സരങ്ങള്‍ കളിക്കും.നവംബറില്‍ ടീം ഖത്തറിലും ആഫ്രിക്കയിലുമാണ് കളിക്കുക. ആഫ്രിക്കയിലെ മത്സരത്തില്‍ അംഗോളയാണ് എതിരാളികള്‍, ഖത്തറില്‍ എതിരാളിയായി യുഎസ് ടീമുണ്ടാകും. സെപ്റ്റംബര്‍ അവസാനത്തോടെ ദക്ഷിണ അമേരിക്കന്‍ ലോകകപ്പ് യോഗ്യത മത്സരങ്ങള്‍ പൂര്‍ത്തിയാകും, അതിന് ശേഷം ടീമിന്റെ ലോകകപ്പ് തയ്യാറെടുപ്പിന്റെ ഭാഗമായാണ് ഈ സൗഹൃദ മത്സരങ്ങള്‍ നടക്കുന്നത്.ഒക്ടോബറില്‍ മെസി കേരളത്തിലെത്തുമെന്ന് കായിക മന്ത്രി വി. അബ്ദുറഹിമാന്‍ നേരത്തെ പ്രഖ്യാപിച്ചിരുന്നെങ്കിലും,  അര്‍ജന്റീന ടീമിന്റെ ഔദ്യോഗിക ഷെഡ്യൂൾ പുറത്തു വന്നത്തോടെ മെസിയും അര്‍ജന്റീനയും കേരളത്തിലേക്കില്ല എന്ന് ഉറപ്പായിരിക്കുകയാണ്.2011-ലാണ് അര്‍ജന്റീന അവസാനമായി ഇന്ത്യയിലെത്തിയത്, അന്ന് കൊല്‍ക്കത്തയിലെ സാള്‍ട്ട് ലേക്ക് സ്റ്റേഡിയത്തില്‍ വെനസ്വേലയുമായാണ് മത്സരിച്ചത്.

2022 ലോകകപ്പിൽ വിജയിച്ച ശേഷം, കേരളത്തില്‍നിന്ന് ലഭിച്ച ആരാധനയോടും പിന്തുണയ്ക്ക് അര്‍ജന്റീന ഫുട്‌ബോള്‍ അസോസിയേഷന്‍ നന്ദി അറിയിച്ചിരുന്നു. ഇതിന്റെ അടിസ്ഥാനത്തിലാണ് കേരള സര്‍ക്കാര്‍ ടീം കേരളത്തിലേക്ക് ക്ഷണിക്കുകയും, മന്ത്രിയുടെ നേതൃത്വത്തില്‍ ശ്രമങ്ങള്‍ ആരംഭിക്കുകയും ചെയ്തത്. പ്രധാന സ്‌പോണ്‍സറായി HSBC മുന്നോട്ടുവന്നതായി മന്ത്രി അറിയിച്ചിരുന്നു. 

Argentina’s national football team, led by Lionel Messi, will not visit Kerala or India this year, as confirmed by the team’s friendly match schedule. The reigning world champions will play two friendlies in China this October, followed by matches in Africa and Qatar in November. Despite earlier statements by Kerala's sports minister about Messi's potential visit, logistical and financial challenges appear to have prevented the tour. Argentina had last played in India in 2011 in Kolkata.