കൊച്ചി: ഇന്ത്യൻ സൂപ്പർ ലീഗിന്റെ (ISL) അടുത്ത സീസണിൽ കേരള ബ്ലാസ്റ്റേഴ്സിന്റെ ഭാവി അനിശ്ചിതത്വത്തിൽ. 2025-26 സീസണിലേക്കുള്ള ക്ലബ് ലൈസൻസ് എഐഎഫ്എഫ് (AIFF) പുതുക്കി നൽകിയില്ല. ഹോം ഗ്രൗണ്ടായ കലൂർ ജവഹർലാൽ നെഹ്‌റു സ്റ്റേഡിയത്തിന് മതിയായ സുരക്ഷാ സൗകര്യങ്ങൾ ഇല്ല എന്ന കണ്ടെത്തലിന്റെ അടിസ്ഥാനത്തിലാണ് ഫെഡറേഷൻ ലൈസൻസ് നിഷേധിച്ചത്.

ലൈസൻസിങ് നടപടികൾക്കുള്ള അപേക്ഷയിൽ ബ്ലാസ്റ്റേഴ്സിന്റെ ഭാഗത്ത് വീഴ്ചകൾ ഉണ്ടായെന്നും, സുരക്ഷ മാനദണ്ഡങ്ങൾ പാലിച്ചില്ലെന്നും എഐഎഫ്എഫ് റിപ്പോർട്ട് വ്യക്തമാക്കുന്നു. പഞ്ചാബ് എഫ്‌സിക്കാണ് ഇപ്പോൾ മുഴുവൻ മാനദണ്ഡങ്ങളും പാലിച്ച ലൈസൻസ് ലഭിച്ചത്. മറ്റ് ചില ടീമുകൾക്കു നിബന്ധനകളോടെയാണ് ലൈസൻസ് അനുവദിച്ചത്.

സുരക്ഷാകാര്യങ്ങൾ കൈകാര്യം ചെയ്യേണ്ടത് സ്റ്റേഡിയത്തിന്റെ ഉടമസ്ഥരായ ജിസിഡിഎയാണെന്ന് ബ്ലാസ്റ്റേഴ്സ് അധികൃതർ വ്യക്തമാക്കി. സ്റ്റേഡിയം മാനേജ്മെന്റ് ക്ലബിന്റെ നിയന്ത്രണത്തിലുള്ളതല്ലെന്നും, എന്നാൽ പ്രശ്നപരിഹാരത്തിനായി  ക്ലബ് ശ്രമിച്ചുകൊണ്ടിരിക്കുകയാണെന്നും വിശദീകരിച്ചു.

പൂർണ്ണ ലൈസൻസ് ലഭിച്ച ക്ലബുകൾ:

പഞ്ചാബ് എഫ്‌സി (ഏക ക്ലബ്ബ്)

നിബന്ധനകളോടെയുള്ള ലൈസൻസ്:

മുംബൈ സിറ്റി എഫ്‌സി

മോഹൻ ബഗാൻ സൂപ്പർ ജയന്റ്

ബംഗളൂരു എഫ്‌സി

ജംഷഡ്പൂർ എഫ്‌സി

എഫ്‌സി ഗോവ

ചെന്നൈയിൻ എഫ്‌സി

ഈസ്റ്റ് ബംഗാൾ എഫ്‌സി

ലൈസൻസ് നിഷേധിക്കപ്പെട്ട ക്ലബുകൾ:

കേരള ബ്ലാസ്റ്റേഴ്സ് എഫ്‌സി

ഹൈദരാബാദ് എഫ്‌സി

ഒഡീഷ എഫ്‌സി

നോർത്ത് ഈസ്റ്റ് യുനൈറ്റഡ് എഫ്‌സി

മുഹമ്മദൻ സ്പോർടിങ് ക്ലബ്

ചർച്ചിൽ ബ്രദേഴ്‌സ് എഫ്‌സി ഗോവ

ഇന്റർ കാശി

കേരള ബ്ലാസ്റ്റേഴ്സിന്റെ ഐഎസ്എല്ലിലെ  വരും സീസണിലെ പങ്കാളിത്തം അതിനാൽ ഫെഡറേഷ-ന്റെ തീരുമാനം പരിഗണിച്ചാകും തീരുമാനിക്കുക.

The All India Football Federation (AIFF) has denied license renewal for Kerala Blasters FC for the 2025–26 ISL season, citing inadequate security at the team’s home ground, Jawaharlal Nehru Stadium, Kaloor. The club blames the stadium authority (GCDA) for failing to meet safety norms. While other clubs received conditional licenses, only Punjab FC was fully cleared. The Blasters are continuing efforts to resolve the issue.