ആലപ്പുഴ: ലോക്സഭാ തെരഞ്ഞെടുപ്പില്‍ തപാല്‍ വോട്ടുകളില്‍ തിരിമറി നടത്തിയതായ വെളിപ്പെടുത്തലില്‍ സി.പി.എം നേതാവ് ജി സുധാകരനെതിരെ കേസെടുത്തു. ആലപ്പുഴ സൗത്ത് പൊലിസ് ആണ് കേസെടുത്തത്. തെളിവ് ശേഖരണത്തിന് ശേഷമായിരിക്കും അറസ്റ്റ് നടപടികളെന്നാണ് സൂചന. 

1989ലെ തെരഞ്ഞെടുപ്പിനിടെ സിപിഎം സ്ഥാനാര്‍ഥിക്ക് വേണ്ടി പോസ്റ്റല്‍ വോട്ടുകള്‍ തിരുത്തിയെന്നായിരുന്നു സുധാകരന്റെ ഞെട്ടിക്കുന്ന വെളിപ്പെടുത്തല്‍. ഇതിന്റെ പേരില്‍ തെരഞ്ഞെടുപ്പ് കമ്മീഷന്‍ കേസെടുത്താല്‍ പ്രശ്നമില്ലെന്നും സുധാകരന്‍ പറഞ്ഞു. 

ആലപ്പുഴയില്‍ എന്‍.ജി.ഒ യൂണിയന്‍ നടത്തിയ പരിപാടിയിലായിരുന്നു വിവാദ പരാമര്‍ശം. 1989ല്‍ ലോക്സഭാ തെരഞ്ഞെടുപ്പ് നടക്കുന്നതിനിടെ, എല്‍.ഡി.എഫ് സ്ഥാനാര്‍ഥി കെവി ദേവദാസിന് വേണ്ടിയാണ് തിരിമറി നടത്തിയത്. പോസ്റ്റല്‍ ബാലറ്റ് സി.പി.എം ഓഫിസില്‍ വെച്ച് പൊട്ടിച്ച് തിരുത്തിയെന്നാണ് സുധാകരന്‍ പറഞ്ഞത്. 

''1989ല്‍ കെവി ദേവദാസ് ആലപ്പുഴയില്‍ എല്‍ഡിഎഫ് സ്ഥാനാര്‍ഥിയായി മത്സരിച്ചപ്പോള്‍ അന്നത്തെ ഇലക്ഷന്‍ കമ്മിറ്റി സെക്രട്ടറിയായിരുന്നു ഞാന്‍. പോസ്റ്റല്‍ ബാലറ്റ് ശേഖരിച്ച് സി.പി.എം ജില്ല കമ്മിറ്റി ഓഫിസില്‍ കൊണ്ടുവന്നു. അവിടെ വെച്ച് ഞാനുള്‍പ്പെടെയുള്ളവര്‍ പോസ്റ്റല്‍ വോട്ടുകള്‍ പൊട്ടിച്ച് തിരുത്തിയിട്ടുണ്ട്. അന്ന് സിപിഎം സര്‍വിസ് സംഘടനകളിലെ അംഗങ്ങളുടെ വോട്ടില്‍ 15 ശതമാനം ദേവദാസിന് എതിരായിരുന്നു. അംഗങ്ങളുടെ പോസ്റ്റല്‍ ബാലറ്റുകളില്‍ 15 ശതമാനം മറിച്ച് ചെയ്തു.,' ഇതാണ് സുധാകരന്‍ പറഞ്ഞത്. 

Kerala police have registered a case against senior CPM leader G. Sudhakaran after he publicly admitted to tampering with postal ballots during the 1989 Lok Sabha election in Alappuzha. The controversial revelation was made during an NGO union event.