പ്രോട്ടീന്‍ സ്മൂത്തി 

വളരെ എളുപ്പത്തില്‍ തയാറാക്കാവുന്നതും രുചികരവുമാണ് സ്മൂത്തികള്‍. പ്രോട്ടിന്‍ പൗഡറോ അല്ലെങ്കില്‍ സസ്യാഹാരമോ ഒരു പഴം കുറച്ച് നിലക്കടല, ബെറികള്‍, പാലോ തൈരോ ബട്ടറോ ഏതെങ്കിലും ഒന്ന് ഇവ എല്ലാം കൂടെ മിക്‌സ് ചെയ്തു കുടിക്കാവുന്നതാണ്. ഇത് ദഹനവ്യവസ്ഥയെ സുഗമമാക്കുകയും പ്രോട്ടീന്‍, നാരുകള്‍, ആരോഗ്യകരമായ കൊഴുപ്പുകള്‍ എന്നിവയുള്ളതിനാല്‍ തന്നെ വയര്‍ നിറയാനും സഹായിക്കും. 

ചിയ പുഡ്ഡിങ്

സസ്യങ്ങളില്‍ നിന്നുള്ള പ്രോട്ടീനും നാരുകളുമടങ്ങിയവയാണ് ചിയ വിത്തുകള്‍. ഇത് പാലില്‍ കുതര്‍ത്തു വച്ച് രാവിലെ കുറച്ചു തേനും ചേര്‍ത്ത് അതിലേക്ക് ഇഷ്ടമുള്ള നട്‌സും പഴങ്ങളുമൊക്കെ ചേര്‍ത്തു കഴിക്കാവുന്നതാണ്. ഗ്രീക്ക് തൈരില്‍ പ്രോട്ടീന്‍ പൊടി ചേര്‍ക്കുന്നത് പ്രോട്ടീന്‍ അളവു കൂട്ടുകയും ചെയ്യും.

ഓട്‌സ്

ഇരുമ്പ്, കാര്‍ബോ ഹൈഡ്രേറ്റ്, മഗ്നീഷ്യം, പ്രോട്ടീന്‍, നാരുകള്‍ എന്നിവ ധാരാളമുണ്ട് ഓട്‌സില്‍. ഇവ തയാറാക്കാനായി റോള്‍ഡ് ഓട്‌സ,് പാല്‍, ഗ്രീക്ക് തൈര്, തേന്‍, പഴം എന്നിവ പാത്രത്തിലിട്ട് ഒരു രാത്രിമുഴുവന്‍ ഫ്രിഡ്ജില്‍ വയ്ക്കുക. 
രാവിലെ അതിനു മുകളില്‍ നട്‌സ്, വിത്തുകള്‍, പഴങ്ങള്‍ എന്നിവയും ഇട്ടു കുടിക്കാവുന്നതാണ്. വയര്‍ നിറയുന്നതാണ്.

മുട്ടയും അവക്കാഡോയും

അവക്കാഡോ നന്നായി ചീകിയെടുക്കുക. ഒരു ബ്രഡിലോ ചപ്പാത്തിയിലോ അവക്കാഡോ വച്ച് അതിനു മുകളില്‍ മുട്ട ബുള്‍സൈ ഒന്നോ രണ്ടോ വച്ചു ഉപ്പ്, കുരുമുളകു പൊടി എന്നിവ വിതറുക. ഈ സിംപിള്‍ ഫുഡില്‍ ആരോഗ്യകരമായ കൊഴുപ്പും നാരുകളും പ്രോട്ടീനുമുണ്ട്. മുട്ട പ്രോട്ടീനും കോളിന്‍ പോലുള്ള അവശ്യ പോഷകങ്ങളും നല്‍കുന്നു. അവക്കാഡോ ഹൃദയാരോഗ്യത്തിനും നല്ലതാണ്. ഇത് നിങ്ങളുടെ വയര്‍ നിറഞ്ഞതായി തോന്നിപ്പിക്കും. തലച്ചോറിന്റെ ആരോഗ്യത്തെയും പിന്തുണയ്ക്കുന്നു.