കോഴിക്കോട്: കോഴിക്കോട് പുതിയ ബസ് സ്റ്റാൻഡിൽ വൻ തീപിടുത്തം. കാലിക്കറ്റ് ടെക്സ്റ്റയിൽസ് എന്ന സ്ഥാപനത്തിനാണ് തീപിടിച്ചത്. സമീപത്തുള്ള കടകളിലും തീപിടുത്തം ഉണ്ടായി. ആളപായം ഉണ്ടായിട്ടില്ലെന്നനാണ് ലഭിക്കുന്ന വിവരങ്ങൾ. നിലവിൽ ഫയർ ഫോഴ്‌സ് സ്ഥലത്തെത്തി രക്ഷാപ്രവർത്തനം തുടരുകയാണ്. 

തീപിടുത്തത്തിന്റെ കാരണം എന്താണെന്ന് ഇതുവരെ വ്യക്തമായിട്ടില്ല. ബസ്റ്റാൻഡിൽ നിർത്തിയിട്ടിരുന്ന ബസ്സുകൾ മുഴുവൻ മാറ്റിയിട്ടുണ്ട്. സംഭവത്തെ തുടർന്ന് കെട്ടിടത്തിൽ നിന്ന് ആളുകളെ മാറ്റുകയും സമീപത്തെ കടകൾ ഒഴുപ്പിക്കുകയും ചെയ്തു. ഇന്ന് വൈകുന്നേരം അഞ്ചു മണിയോടെയായിരുന്നു സംഭവം നടന്നത്. കാലിക്കറ്റ് ടെക്സ്റ്റയിൽസ് എന്ന സ്ഥാപനത്തിന് ആണ് തീപിടിച്ചത് പിന്നീട് മറ്റു കടകളിലേക്ക് തീ പടരുകയായിരുന്നു. നാലു യൂണിറ്റ് ഫയർ ഫോഴ്‌സ് ആണ് നിലവിൽ സംഭവ സ്ഥലത്തുള്ളത്. കൂടുതൽ ഫയർഫോഴ്സ് യൂണിറ്റുകൾ സ്ഥലത്തേക്ക് എത്തും.

Fire breaks out at clothing factory in Kozhikodes new stand rescue operations continue