തിരുവനന്തപുരം:കഴക്കൂട്ടം ചന്തവിള വാർഡിൽ നടന്ന തെരുവുനായ ആക്രമണത്തിൽ അങ്കണവാടി വിദ്യാർത്ഥിയടക്കം 16 പേർക്ക് പരിക്കേറ്റ സംഭവത്തിൽ ജനങ്ങൾക്കിടയിൽ വലിയ ആശങ്ക പടർന്ന് നിൽക്കുകയാണ്. ആക്രമണത്തെ തുടർന്ന് പ്രദേശത്ത് തെരുവുനായകൾക്ക് വാക്സിനേഷൻ നൽകാനുള്ള തീരുമാനം നഗരസഭ സ്വീകരിച്ചു.

വെള്ളിയാഴ്ച പകൽ 2 മണിയോടെ ആരംഭിച്ച ആക്രമണം ശനിയാഴ്ച രാവിലെ വരെ തുടർന്നു. ചന്തവിള, പ്ലാവറക്കോട്, ഉള്ളൂർക്കോണം എന്നിവിടങ്ങളിലായി 16 പേരെയും ചില വീടുകളിലെ വളർത്തുമൃഗങ്ങളെയും തെരുവുനായ കടിച്ച് പരിക്കേൽപ്പിച്ചു. ആക്രമണത്തിനിരയായ എല്ലാവർക്കും വാക്സിൻ നൽകിയതായി അധികൃതർ അറിയിച്ചു.

പരിക്കേറ്റവർക്ക് പാങ്ങപ്പാറ ഹെൽത്ത് സെന്ററും തിരുവനന്തപുരം മെഡിക്കൽ കോളജ് ആശുപത്രിയും ജനറൽ ആശുപത്രിയും ചികിത്സ ഒരുക്കി.
കേസ് റിപ്പോർട്ടുകൾ പ്രകാരം, ജോലിക്ക് ശേഷം വീട്ടിലേക്ക് മടങ്ങുകയായിരുന്ന പ്ലാവറക്കോട് വൃന്ദഭവനിലെ ഗംഗാധരനാണ് ആദ്യമായി ആക്രമണത്തിനിരയായത്. തുടർന്ന് അങ്കണവാടിക്ക് സമീപം നില്ക്കുകയായിരുന്ന പാർവണയും നായയുടെ കടിയേറ്റ് പരിക്കേറ്റു. തുടർന്ന്, പ്ലാവറക്കോട്, ചന്തവിള, ഉള്ളൂർക്കോണം ഭാഗങ്ങളിലെ ആളുകളെയും വളർത്തുമൃഗങ്ങളെയും നായ കടിച്ചു.

പരിക്കേറ്റവർ: ഗംഗാധരൻ, ജോസഫ്, ലതാകുമാരി (ചാമവിള), പാർവണ (വട്ടവിള), മനു, ശുഭ, ലാവണ്യ, ലതാകുമാരി, രഞ്ജിത്ത്, അർജുൻ സന്തോഷ്, അബി, അമീന ഷാജി, സൂര്യ, സുലേഖ, ഫാത്തിമ എന്നിവരാണ്.ഇന്ന് രാവിലെ കൗൺസിലർ ബിനുയും നഗരസഭ ജീവനക്കാരും ചേർന്ന് ഒരു നായയെ പിടികൂടിയിട്ടുണ്ട്. പ്രദേശവാസികളുടെ പരാതിയെയും ഭീതിയെയും തുടർന്ന് മേഖലയിൽ തെരുവുനായകൾക്ക് തത്സമയം വാക്സിനേഷൻ നൽകാനും നടപടിയെടുക്കാനും തീരുമാനം എടുത്തതായി അധികൃതർ അറിയിച്ചു.

In Kazhakoottam's Chanthavila ward, 16 people—including an Anganwadi student—were injured in a series of stray dog attacks between Friday afternoon and Saturday morning. Victims were treated at local health centers and hospitals. In response, authorities have launched a vaccination drive for stray dogs in the affected areas to curb further incidents.