വാല്‍പ്പാറ: തമിഴ്‌നാട് വാല്‍പ്പാറയില്‍ ബസ് നിയന്ത്രണം വിട്ട് കുഴിയിലേക്ക് മറിഞ്ഞു. അപകടത്തില്‍ 30 പേര്‍ക്ക് പരുക്കേറ്റു. ഇവരില്‍ പതിനാലു പേരുടെ നില ഗുരുതരമാണ്. തിരുപ്പൂരില്‍ നിന്ന് വാല്‍പ്പാറയിലേക്ക് പുറപ്പെട്ട സര്‍ക്കാര്‍ ബസാണ് അപകടത്തില്‍പ്പെട്ടത്. 

ഹെയര്‍പിന്‍ വളവ് തിരിയുമ്പോള്‍ നിയന്ത്രണം വിട്ട ബസ് മറിയുകയായിരുന്നു. ഇന്നു പുലര്‍ച്ചെ മൂന്നു മണിക്കാണ് അപകടം സംഭവിച്ചത്. ഗുരുതരമായി പരുക്കേറ്റവരെ പൊള്ളാച്ചി സര്‍ക്കാര്‍ ആശുപത്രിയിലേക്ക് മാറ്റി.