തരമണി-തിരുവാണ്‍മിയൂര്‍ റോഡില്‍ പെട്ടെന്നുണ്ടായ വന്‍കുഴിയില്‍ ഓടിക്കൊണ്ടിരിക്കുന്ന കാര്‍ വീണ് അപകടം. തിരുമാണ്‍മിയൂര്‍ പ്രദേശത്തിനടുത്തായിരുന്നു സംഭവം. തരമണിയില്‍ നിന്ന് തിരുവാണ്‍മിയൂരിലേക്ക് പോകുകയായിരുന്ന കാറാണ് അപകടത്തില്‍പെട്ടത്. സംഭവത്തില്‍ ഡ്രൈവര്‍ ഉള്‍പ്പെടെ അഞ്ച് പേര്‍ക്ക് പരുക്കേറ്റു. ഇവരെ ചികിത്സക്കായി ആശുപത്രിയില്‍ പ്രവേശിപ്പിച്ചു. ദീര്‍ഘനേരത്തെ ശ്രമത്തിന് ശേഷമാണ് വാഹനം കുഴിയില്‍ നിന്നും പുറത്തെടുത്തത്.

പൊലിസും ഫയര്‍ ഫോഴ്‌സും സംഭവസ്ഥലത്ത് എത്തി. മെട്രോ റെയില്‍വേക്കായി തുരങ്കപ്പാത നിര്‍മ്മിക്കുന്നുണ്ടെന്നും ഇതാണ് മണ്ണൊലിച്ച് കുഴി ഉണ്ടാകാന്‍ കാരണെമന്നും പ്രദേശവാസികള്‍ പറയുന്നു. മുമ്പും ചെന്നൈയില്‍ സമാനമായ സംഭവങ്ങള്‍ നടന്നിട്ടുണ്ട്.

എന്നാല്‍, മെട്രോ റെയില്‍വേ അധികൃതര്‍ പ്രദേശവാസികളുടെ വാദം തള്ളി. സംഭവസ്ഥലത്ത് നിന്ന് 300 മീറ്റര്‍ അകലെയാണ് മെട്രോയുടെ പണി നടക്കുന്നതെന്നും, ഭൂഗര്‍ഭ മാലിന്യക്കുഴലിന്റെ ചോര്‍ച്ചയാണ് മണ്ണൊലിപ്പിന് കാരണമായതെന്നും അവര്‍ വ്യക്തമാക്കി. മെട്രോ എന്‍ജിനീയര്‍മാര്‍ സ്ഥലം പരിശോധിച്ചതായും അധികൃതര്‍ അറിയിച്ചു.

A car suddenly plunged into a deep pit that formed on a road in Chennai's Taramani-Thiruvanmiyur area, leaving five people injured, including the driver. Rescue teams worked for hours to retrieve the vehicle. Locals blamed ongoing metro rail construction, but authorities denied any link, stating the cavity was likely caused by an underground sewage leak. Read more about the incident and safety concerns in the city.