ഇന്ത്യക്കാരുടെ  ഭക്ഷണത്തില്‍ പൊതുവേ കാര്‍ബോഹൈഡ്രേറ്റ് അടങ്ങിയ ഭക്ഷണങ്ങളായിരിക്കും കൂടുതലായും ഉണ്ടാവുക. അങ്ങനെയുള്ള ഭക്ഷണ ശേഷം പഴങ്ങള്‍ കഴിച്ചാല്‍ അമിതമായ കാര്‍ബോഹൈഡ്രേറ്റ് ലോഡിന് കാരണമാവും. അരിയിലും പരിപ്പിലും കാര്‍ബോ ഉള്ളതിനാല്‍ വാഴപ്പഴം പോലുള്ള പഴങ്ങള്‍ ചേര്‍ക്കുന്നത് ഗ്ലൈസമിക് ലോഡ് വര്‍ധിപ്പിക്കും. ഇത് രക്തത്തിലെ പഞ്ചസാരയുടെ അളവിനെ ബാധിക്കാനുള്ള സാധ്യതയും കൂടുതലാണ്. 

ഭക്ഷണത്തിനു ശേഷവും മുമ്പും പഴങ്ങള്‍ കഴിക്കാമെന്ന് വിദഗ്ധര്‍ പറയുന്നുണ്ട്. ഇതില്‍ നാരുകളടങ്ങിയിരിക്കുന്നതിനാല്‍ ഭക്ഷണത്തോടൊപ്പം അടുത്ത് കഴിക്കുന്നത് ദഹനക്കേടിനു കാരണമാവാം. പ്രമേഹരോഗികളാണെങ്കില്‍ ഭക്ഷണത്തോടൊപ്പം പഴങ്ങള്‍ കഴിക്കുന്നത് അപകടമാണ്. ഇത് രക്തത്തിലെ പഞ്ചസാരയുടെ അളവ് വര്‍ധിപ്പിക്കാന്‍ സാധ്യതയുണ്ട്. ഇത് ഒഴിവാക്കാനായി രണ്ടു മണിക്കൂര്‍ ഇടവിട്ടെങ്കിലും കഴിക്കാന്‍ ശ്രമിക്കുക. 

ദഹനത്തെ ബാധിക്കുന്നത്

ഭക്ഷണത്തോടൊപ്പം പഴങ്ങള്‍ കഴിക്കുന്നത് ദനഹത്തെ ബുദ്ദിമുട്ടിലാക്കും. പഴങ്ങള്‍ വയറ്റില്‍ തങ്ങിനിന്ന് അഴുകാന്‍ കാരണമാവും. നാരുകള്‍ പഴങ്ങളിലുള്ളതു കൊണ്ടു തന്നെ ഇത് ദഹിക്കാനും സമയമെടുക്കും. വൈകിയുള്ള ദഹനം പോഷകങ്ങളുടെ ആഗിരണത്തെയും തടസപ്പെടുത്തും. 

കഴിക്കാന്‍ അനുയോജ്യമല്ലാത്ത സമയം

ഉറങ്ങുന്നതിനു തൊട്ടു മുമ്പ് പഴങ്ങള്‍ കഴിക്കുന്നത് നല്ലതല്ല. ഇത് രക്തത്തിലെ പഞ്ചസാരയുടെ അളവ് കുതിച്ചുയരാന്‍ കാരണമാവുകയും ഉറക്കത്തിനു ബുദ്ദിമുട്ടുണ്ടാക്കുകയും ചെയ്യുന്നു. പഴങ്ങളാണെങ്കിലും ഭക്ഷണമാണെങ്കിലും ഉറക്ക സമയത്തിനു തൊട്ടുമുമ്പ് കഴിച്ചാല്‍ ദഹനത്തിനും അസ്വസ്ഥതയ്ക്കും കാരണമാവും. അത്താഴം ഉറക്കത്തിന്റെ രണ്ടു മണിക്കൂര്‍ മുമ്പെങ്കിലും പൂര്‍ത്തിയാക്കണം. നല്ല ഉറക്കത്തിനായി രാത്രിയില്‍ പഴങ്ങള്‍ കഴിക്കുന്നത് പൂര്‍ണമായും ഒഴിവാക്കുന്നതാണ് നല്ലത്.