ദുബൈ: അൽ ഒജൈരി സയന്റിഫിക് സെന്ററിന്റെ ജ്യോതിശാസ്ത്ര പ്രവചനങ്ങൾ പ്രകാരം, കുവൈത്തിൽ ഈദ് അൽ അദ്ഹ ജൂൺ ആറ് വെള്ളിയാഴ്ച ആയിരിക്കും.

ഇസ്‌ലാമിക ചാന്ദ്ര കലണ്ടറിലെ അവസാന മാസമായ ദുൽ ഹിജ്ജയുടെ ആരംഭം കുറിക്കുന്ന ചന്ദ്രക്കല, ദുൽ ഖിദ്‌ഹ 29-ന് (മെയ് 27-ന്) പുലർച്ചെ പിറവിയെടുക്കുമെന്ന് കേന്ദ്രം ഒരു പ്രസ്താവനയിൽ വ്യക്തമാക്കി. മെയ് 28 ന് സൂര്യാസ്തമയത്തിനുശേഷം 43 മിനിറ്റ് നേരത്തേക്ക് കുവൈത്തിന്റെ ചക്രവാളത്തിൽ ചന്ദ്രക്കല ദൃശ്യമാകുമെന്ന് പ്രതീക്ഷിക്കുന്നതായും കേന്ദ്രം അറിയിച്ചു.  

ഈ കണക്കുകൂട്ടലുകളുടെ അടിസ്ഥാനത്തിൽ, മക്കയിലെ പ്രധാന തീർത്ഥാടന ദിനമായ അറഫ ദിനം ജൂൺ അഞ്ച് വ്യാഴാഴ്ചയും, ഈദ് അൽ അദ്ഹ ജൂൺ ആറ് വെള്ളിയാഴ്ചയും ആയിരിക്കും.

ഈദ് അൽ അദ്ഹയുടെ ഭാ​ഗമായി ജൂൺ അഞ്ച് മുതൽ ഒമ്പത് വരെ എല്ലാ സർക്കാർ ഏജൻസികളും പൊതു സ്ഥാപനങ്ങളും അവധിയായിരിക്കുമെന്ന് കുവൈത്ത് മന്ത്രിസഭ പ്രഖ്യാപിച്ചു. ജൂൺ 10 ചൊവ്വാഴ്ച സാധാരണ പ്രവർത്തനങ്ങൾ പുനരാരംഭിക്കും. 

"ത്യാഗത്തിന്റെ ഉത്സവം" എന്നും അറിയപ്പെടുന്ന ഈദ് അൽ അദ്ഹ, ദൈവകല്പന അനുസരിച്ചുകൊണ്ട് പ്രവാചകൻ ഇബ്രാഹിം തന്റെ മകനെ ബലിയർപ്പിക്കാൻ സന്നദ്ധത പ്രകടിപ്പിച്ചതിന്റെ ഓർമ്മപ്പെടുത്തലാണ്.

Kuwait has announced a public holiday for Eid Al Adha, which will take place from June 6 to June 9. During this period, government offices, schools, and many businesses are expected to be closed, allowing citizens to celebrate the festive occasion with family and friends.