ദുബൈ: നവീകരണത്തിനിടയിലും ദുബൈ മെട്രോ യാത്രക്കാര്‍ക്ക് കൂള്‍ റൈഡുകള്‍ പ്രദാനം ചെയ്യുന്നത് തുടരുമെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ). റെഡ്, ഗ്രീന്‍ ലൈനുകളിലെ സ്റ്റേഷനുകളിലെ വെന്റിലേഷന്‍, എ.സി സംവിധാനങ്ങളുടെ സമഗ്ര നവീകരണത്തിന്റെ രണ്ടാംഘട്ടം പൂര്‍ത്തിയായതിനെത്തുടര്‍ന്നാണ് ഉറപ്പെന്നും അധികൃതര്‍ പറഞ്ഞു.
പുറത്തെ സാഹചര്യങ്ങള്‍ പരിഗണിക്കാതെ എല്ലാ യാത്രക്കാര്‍ക്കും സുഖകരമായ യാത്ര ഉറപ്പാക്കുന്നതിന് മെട്രോ ശൃംഖലയിലുടനീളം 24ത്ഥ മുതല്‍ 25ത്ഥ സെല്‍ഷ്യസ് വരെ സ്ഥിരം ഉള്‍ത്താപനില നിലനിര്‍ത്തി വെന്റിലേഷന്‍, കൂളിങ് സംവിധാനങ്ങള്‍ ഏറ്റവും സൗകര്യ ശേഷിയില്‍ പ്രവര്‍ത്തിക്കുന്നുണ്ടെന്നും ആര്‍.ടി.എ വ്യക്തമാക്കി.

യാത്രക്കാരുടെ സുഖ യാത്രക്കായി മെട്രോ ശൃംഖലയിലുടനീളം അറ്റകുറ്റപ്പണി നടത്തി. കൂളിങ് പ്രകടനം ഗണ്യമായി മെച്ചപ്പെടുത്തിയെന്നും, അതേസമയം തടസമില്ലാത്ത മെട്രോ സേവനം ഉറപ്പാക്കിയായിരുന്നു ഇതെന്നും ബന്ധപ്പെട്ടവര്‍ കൂട്ടിച്ചേര്‍ത്തു.
ഓരോ സ്റ്റേഷനിലും മെട്രോ ട്രെയിനുകള്‍ ഏതാനും മിനുട്ടുകള്‍ക്കുള്ളില്‍ എത്തുന്നതിനാല്‍, ഓരോ 24 മിനുട്ടിലും വാതിലുകള്‍ തുറന്നടയുന്നുണ്ട്. സ്റ്റേഷനുകളിലേക്ക് തുടര്‍ച്ചയായി പ്രവേശിക്കുന്നതിനാല്‍ വലിയ അളവില്‍ ചൂട് വായു എത്താനിടയാക്കുന്നു. എയര്‍ ഹാന്‍ഡ്‌ലിങ് യൂനിറ്റുകള്‍ (എ.എച്ച്.യു), ഫാന്‍ കോയില്‍ യൂനിറ്റുകള്‍ (എഫ്.സി.യു), ശീതീകരിച്ച വാട്ടര്‍ പമ്പുകള്‍, എക്‌സ്ട്രാക്റ്റ് ഫാനുകള്‍, സ്‌മോക് എക്‌സ്ട്രാക്റ്റ് ഫാനുകള്‍, പ്രഷറൈസേഷന്‍ യൂനിറ്റുകള്‍ തുടങ്ങിയ പ്രധാന ഘടകങ്ങള്‍ മാറ്റി സ്ഥാപിക്കുകയും പുതുക്കുകയും ചെയ്താണ് അറ്റകുറ്റപ്പണികള്‍ പൂര്‍ത്തീകരിക്കുന്നത്.

രണ്ടാം ഘട്ടത്തില്‍, റെഡ് ലൈനിലെ 14 സ്റ്റേഷനുകളിലും രണ്ട് കാര്‍ പാര്‍ക്കുകളിലുമായി ആകെ 876 വെന്റിലേഷന്‍, എയര്‍ കണ്ടീഷനിങ് ഉപകരണങ്ങള്‍ നവീകരിച്ചു. എന്നാല്‍, ട്രെയിന്‍ പ്രവര്‍ത്തനങ്ങളെ ഇത് ബാധിച്ചില്ല. 13 സ്റ്റേഷനുകളിലായി 261 ഉപകരണങ്ങള്‍ ഉള്‍ക്കൊള്ളുന്ന ഒന്നാംഘട്ടം വിജയകരമായി പൂര്‍ത്തിയാക്കിയതിനെ തുടര്‍ന്നായിരുന്നു ഇത്. മൂന്നാം ഘട്ട നവീകരണത്തിനായുള്ള തയാറെടുപ്പുകള്‍ ഇതിനകം ആരംഭിച്ചതായും ആര്‍.ടി.എ കൂട്ടിച്ചേര്‍ത്തു.

Dubai’s Roads and Transport Authority (RTA), through its Rail Agency, has completed the second phase of a large-scale upgrade of the ventilation and air conditioning systems across Dubai Metro’s Red and Green Lines