കോഴിക്കോട്: ദേശീയ പാതയില്‍ വീണ്ടും വിള്ളല്‍. തിരുവങ്ങൂരിലും ദേശീയപാതയില്‍ വിള്ളല്‍. തിരുവങ്ങൂര്‍ മേല്‍പ്പാലത്തിലാണ് വിള്ളലുണ്ടായത്.400 മീറ്റര്‍ നീളത്തില്‍ റോഡ് വിണ്ടുകീറി. 

പ്രദേശവാസികളാണ് വിള്ളല്‍ കണ്ടെത്തിയത്. വെള്ളിയാഴ്ച രാവിലെ വിള്ളല്‍ താല്‍ക്കാലികമായി അടച്ചു. ടാര്‍ ഒഴിച്ചാണ് വിള്ളല്‍ അടച്ചത്. വിള്ളലിന്റെ ദൃശ്യങ്ങള്‍ നാട്ടുകാര്‍ മൊബൈല്‍ പകര്‍ത്തിയത് സോഷ്യല്‍ മീഡിയയില്‍ പ്രചരിച്ചതോടെയാണ് അധികൃതര്‍ ടാറിട്ട് വിള്ളല്‍ മൂടി. ഇതില്‍ ആശങ്കയുണ്ടെന്ന് നാട്ടുകാര്‍ അറിയിച്ചു.  

കഴിഞ്ഞ ദിവസം മലപ്പുറത്തിനുപിന്നാലെ തൃശൂര്‍ ചാവക്കാടും ദേശീയപാത 66ല്‍ വിള്ളല്‍ കണ്ടെത്തിയിരുന്നു. മേല്‍പ്പാലത്തിനു മുകളിലെ ടാറില്‍ 50 മീറ്ററിലധികം നീളത്തിലാണ് വിള്ളലുണ്ടായത്. മലപ്പുറത്ത് കോട്ടയ്ക്കലിനും തേഞ്ഞിപ്പലത്തിനുമിടയ്ക്ക് കക്കാടിനടുത്ത് കൂരിയാടും റോഡ് ഇടിഞ്ഞു താണിരുന്നു. ദേശീയപാത 66ല്‍ നിര്‍മാണം അവസാനഘട്ടത്തിലുള്ള ഭാഗത്ത് വയലിലൂടെ കടന്നുപോകുന്ന ഭാഗത്തുള്ള 250 മീറ്ററോളം റോഡും സര്‍വീസ് റോഡുമാണ് ഇടിഞ്ഞുതാണത്.