ഡൽഹി: 2020 ഫെബ്രുവരിയിൽ ഡൽഹിയിൽ നടന്ന സംഘർഷങ്ങളുമായി ബന്ധപ്പെട്ട് നാല് വ്യത്യസ്ത കേസുകളിൽ കുറ്റാരോപിതരായ 30 ആളുകളെ ഡൽഹി കോടതി വെറുതെ വിട്ടു. ലൈവ് ലോയാണ് ഇക്കാര്യം റിപ്പോർട്ട് ചെയ്തത്. മെയ് 13, 14, 15, 16 എന്നീ തീയ്യതികളിൽ ഒരാഴ്‌ചക്കുള്ളിൽ ആളുകളെ കുറ്റവിമുക്തനാക്കാൻ കർക്കാർഡുമ കോടതിയിലെ അഡീഷണൽ സെക്ഷൻസ് കോടതി ജഡ്ജി പുലസ്ത്യ പ്രേമചല പുറപ്പെടുപ്പിച്ചുവെന്നാണ് റിപ്പോർട്ടിൽ പറയുന്നത്. മൂന്ന് ആളുകളെ കൊലപ്പെടുത്തുകയും കൊള്ള, തീവെപ്പ് എന്നീ കുറ്റങ്ങളാണ് ഇവർക്കെതിരെ ചുമത്തിയിരുന്നത്. 

വടക്കുകിഴക്കൻ ഡൽഹിയിൽ പൗരത്വ ഭേദഗതി നിയമത്തെ പിന്തുണക്കുന്നവരും എതിർക്കുന്നവരും തമ്മിൽ സംഘർഷം ഉണ്ടായതിന് പിന്നാലെ 53 ആളുകൾ കൊല്ലപ്പെടുകയും നൂറോളം ആളുകൾ പരുക്കേൽക്കുകയും ചെയ്തു.

ഈ ആക്രമണം നരേന്ദ്ര മോദി സർക്കാരിനെ അപകീർത്തിപ്പെടുത്താനുള്ള വലിയ ഗൂഢാലോചനയുടെ ഭാഗമെന്നും പൗരത്വ നിയമത്തിന് എതിരെ പ്രതിഷേധം സംഘടിപ്പിച്ചവരാണ് ഈ സംഭവത്തിന് പിന്നിലെന്ന് ഡൽഹി പൊലിസ് പറഞ്ഞിരുന്നു. ബിജെപി നേതാക്കളുടെ പ്രകോപനപരമായ പരാമർശമാണ് കലാപത്തിന് കാരണമെന്നാണ് ഡൽഹി ന്യൂനപക്ഷ കമ്മീഷൻ രൂപീകരിച്ച വസ്തുതാന്വേഷണ സമിതി കണ്ടെത്തിയത്. 

Lack of evidence in 2020 Delhi delhi  30 accused acquitted