തിരുവനന്തപുരം: റേഷൻ വാതിൽപ്പടി വിതരണക്കാർക്ക് 50 കോടി രൂപ അനുവദിച്ചുവെന്ന് ഭക്ഷ്യ മന്ത്രി ജിആർ അനിൽ. വൈകാതെ തന്നെ റേഷൻ വാതിൽപ്പടി വിതരണക്കാരുടെ കുടിശ്ശിക പൂർത്തിയാക്കുമെന്നും മന്ത്രി പറഞ്ഞു. ഇതുവരെ റേഷൻ മേഖലയിൽ വലിയ പ്രശ്നങ്ങൾ ഉണ്ടായിട്ടില്ലെന്നും റേഷൻ കടകളിൽ ഒന്നര മാസത്തേക്കുള്ള സ്റ്റോക്ക് നിലനിൽക്കുന്നതിനാൽ സമരം സാധാരണക്കാരായ ആളുകളെ ബാധിക്കില്ലെന്നും മന്ത്രി വ്യക്തമാക്കി. 

രണ്ട് മസാരത്തെ തുക കുടിശ്ശികയായി നിലനിൽക്കുന്നതിനാൽ ഈ മാസം ആദ്യം മുതൽ തന്നെ വാതിൽപ്പടി വിതരണക്കാർ സമരത്തിൽ ആയിരുന്നു. പല റേഷൻ കടകളിലും ആവശ്യക്കാരെ മടക്കി അയക്കേണ്ട സ്ഥിതി ഉണ്ടെന്നും കടയുടമകൾ ആരോപിച്ചിരുന്നു.

Food Minister says Rs 50 crore allocated for ration doorstep distributors