കൊച്ചി: കണ്ണിൽ മരക്കൊമ്പ് തുളച്ചു കയറിയ വിദ്യാർഥിക്ക് കാഴ്ച തിരിച്ചു നൽകി കൊച്ചി അമൃത ആശുപത്രി. പാലക്കാട് സ്വദേശിയായ പ്ലസ് ടു വിദ്യാർത്ഥിയുടെ ഇടത്തെ കണ്ണിൽ തുളച്ചു കയറിയത് 9.5 സെൻ്റീമീറ്റർ നീളവും 1.4 സെൻ്റിമീറ്റർ വ്യാസവും വരുന്ന മരക്കൊമ്പായിരുന്നു. ഇടത്തെ കണ്ണിൻ്റെ അറ്റം തുളച്ച മരക്കഷ്ണം ഉള്ളിലൂടെ കയറി മൂക്കിൻ്റെ പാലവും തുളച്ച് വലത്തെ കണ്ണിൻ്റെ ഇടത്തെ അറ്റം വരെ തുളച്ചു കയറിയ നിലയിലായിരുന്നു. പാലക്കാട്ടെ സ്വകാര്യ ആശുപത്രിയിലും തുടർന്ന് തൃശുരിലെ മറ്റൊരു സ്വകാര്യ ആശുപത്രിയിലും വിദ്യാർത്ഥിയെ എത്തിച്ചെങ്കിലും കണ്ണിൽ തുളച്ചു കയറിയ മരകൊമ്പ് നീക്കം ചെയ്യാൻ സാധിച്ചില്ല. തുടർന്നാണ് ബന്ധുക്കൾ കൊച്ചി അമൃത ആശുപത്രിയിൽ വിദ്യാർത്ഥിയെ എത്തിച്ചത്. 

സങ്കീര്‍ണമായ ശസ്ത്രക്രിയയിലൂടെയാണ് മരക്കൊമ്പ് നീക്കം ചെയ്തത്.