ദുബൈ: യുഎഇയിലെ താപനില അനുദിനം കുത്തനെ ഉയരുന്നു. അബൂദബിയിലെ അല്‍ ഷവാമേഖില്‍ ഇന്ന് രേഖപ്പെടുത്തിയത് 50.4ഡിഗ്രി സെല്‍ഷ്യസാണ്. ഈ വര്‍ഷത്തെ ഇതുവരെയുള്ളതില്‍ വെച്ച് ഏറ്റവും ചൂടേറിയ ദിവസങ്ങളില്‍ ഒന്നാണിത്. കലണ്ടര്‍ ഇപ്പോഴും മെയ് മാസമാണെന്ന് ഓര്‍മിപ്പിക്കുന്നുണ്ടെങ്കിലും കഠിനമായ ചൂട് ജൂണിനു മുന്നെ എത്തിയിരിക്കുകയാണ്. രാജ്യത്തുടനീളം താമസക്കാര്‍ക്ക് വേനല്‍ക്കാലത്തിന്റെ തുടക്കമായാണ് ഈ സമയം അനുഭവപ്പെടുന്നത്. 

ചുട്ടുപൊള്ളുന്ന ഈ സമയം മറികടക്കാന്‍ സഹായിക്കുന്ന ചില  നുറുങ്ങു വിദ്യകള്‍ ഇതാ:

• ജലാംശം നിലനിര്‍ത്താന്‍: വെള്ളം, തേങ്ങാവെള്ളം, ഇലക്ട്രോലൈറ്റ് സമ്പുഷ്ടമായ പാനീയങ്ങള്‍ നിങ്ങളെ ഉന്മേഷഭരിതരാക്കുകയും ഊര്‍ജ്ജസ്വലത നിലനിര്‍ത്താന്‍ സഹായിക്കുകയും ചെയ്യും. 
• സണ്‍ സ്മാര്‍ട്ട്: എസ്പിഎഫ് 30+ സണ്‍സ്‌ക്രീന്‍, സണ്‍ഗ്ലാസുകള്‍, വീതിയേറിയ ബ്രിംഡ് തൊപ്പികള്‍ എന്നിവ ഉപയോഗിക്കുന്നത് നിങ്ങളുടെ ചര്‍മം സംരക്ഷിക്കാന്‍ സഹായിക്കും.
• വസ്ത്രധാരണം: അയഞ്ഞതും, ഭാരം കുറഞ്ഞതും വായുസഞ്ചാരമുള്ളതുമായ തുണിത്തരങ്ങള്‍ നിങ്ങളുടെ ശരീരത്തെ ചൂടില്‍ നിന്നും സംരക്ഷിക്കും.
• പകല്‍സമയത്തെ യാത്രകള്‍: കഴിയുമെങ്കില്‍, ഉച്ചയ്ക്ക് 12 മുതല്‍ വൈകുന്നേരം 4 വരെ പുറത്തെ പ്രവര്‍ത്തനങ്ങളും യാത്രകളും ഒഴിവാക്കുക.
• കാര്‍ സുരക്ഷാ മുന്നറിയിപ്പ്: പാര്‍ക്ക് ചെയ്തിരിക്കുന്ന വാഹനങ്ങളില്‍ കുട്ടികളെയോ വളര്‍ത്തുമൃഗങ്ങളെയോ ഒരിക്കലും ഇരുത്തി പോകരുത്. ജനാലകള്‍ ചെറുതായി തുറന്നിട്ടാല്‍ തന്നെയും മിനിറ്റുകള്‍ക്കുള്ളില്‍ ഉള്‍ഭാഗത്തെ താപനില അപകടകരമാം വിധം ഉയര്‍ന്നേക്കാനുള്ള സാധ്യതയുണ്ട്.

ചുരുക്കത്തില്‍ വേനല്‍ക്കാലം വളരെ നേരത്തെ തന്നെ എത്തിയിരിക്കുന്നു. ചൂട് വളരെ കഠിനമാണ് അതിനാല്‍ സുരക്ഷിതമായിരിക്കാന്‍ ശ്രദ്ധിക്കുക.

UAE records scorching 50.4°C temperatures amid an intense heatwave. Discover essential tips to stay cool, hydrated, and safe during extreme weather.