ടെസ്റ്റ് ക്രിക്കറ്റിൽ പുതിയ നാഴികക്കല്ല് സ്വന്തമാക്കി ഇംഗ്ലണ്ട് സൂപ്പർതാരം ജോ റൂട്ട്. ടെസ്റ്റ് ക്രിക്കറ്റിൽ 13,000 റൺസ് പൂർത്തിയാക്കാനാണ് റൂട്ടിന് സാധിച്ചത്. സിംബാബ്‌വെക്കെതിരായ ടെസ്റ്റ് മത്സരത്തിലാണ് റൂട്ട് ഈ നേട്ടം കൈവരിച്ചത്. മത്സരത്തിൽ ആദ്യ ഇന്നിങ്സിൽ 44 പന്തിൽ 34 റൺസാണ് റൂട്ട് നേടിയത്. മൂന്ന് ഫോറുകളാണ് താരം നേടിയത്. 152 മത്സരങ്ങളിൽ നിന്നും 278-ാം ഇന്നിംഗ്‌സിലാണ് റൂട്ട് ഈ നേട്ടം സ്വന്തമാക്കിയത്. 

ടെസ്റ്റ് ക്രിക്കറ്റിൽ ഈ നാഴികക്കല്ല് പിന്നിടുന്ന ആദ്യ ഇംഗ്ലണ്ട് താരവും ചരിത്രത്തിലെ അഞ്ചാമത്തെ താരവുമാണ് റൂട്ട്. സച്ചിൻ ടെണ്ടുൽക്കർ, ജാക്വസ് കാലിസ്,റിക്കി പോണ്ടിംഗ്, രാഹുൽ ദ്രാവിഡ് എന്നിവരാണ് ഇതിനു മുമ്പ് ഈ നേട്ടം കൈവരിച്ച താരങ്ങൾ. ഏറ്റവും വേഗത്തിൽ ഈ നേട്ടം സ്വന്തമാക്കുന്ന താരമായി മാറാനും റൂട്ടിന് സാധിച്ചു. കാലിസിന്റെ റെക്കോർഡാണ് റൂട്ട് തകർത്തത്. 

മത്സരത്തിൽ ആദ്യ ഇന്നിങ്സിൽ ആറ് വിക്കറ്റ് നഷ്ടത്തിൽ 565 റൺസിന് ഡിക്ലയർ ചെയ്യുകയായിരുന്നു. മൂന്ന് താരങ്ങളാണ് ഇംഗ്ലണ്ടിനായി സെഞ്ച്വറി നേടിയത്. ബെൻ ഡക്കറ്റ്, സാക്ക് ക്രാളി, ഒല്ലി പോപ്പ് എന്നിവരാണ് സെഞ്ച്വറി നേടിയത്. 

ഒല്ലി പോപ്പ് 166 പന്തിൽ 171 റൺസാണ് നേടിയത്. 24 ഫോറുകളും രണ്ട് സിക്സുമാണ് താരം നേടിയത്. ബെൻ ഡക്കറ്റ് 20 ഫോറുകളും രണ്ട് സിക്സുകളും ഉൾപ്പടെ 134 പന്തിൽ 140 റൺസും സാക്ക് ക്രാളി 171 പന്തിൽ 124 റൺസും സ്വന്തമാക്കി. 14 ഫോറുകൾ അടങ്ങുന്നതാണ് താരത്തിന്റെ ഇന്നിംഗ്സ്. ഹാരി ബ്രൂക്ക് 50 പന്തിൽ 58 റൺസും നേടി. 

ഇംഗ്ലണ്ട് പ്ലെയിങ് ഇലവൻ

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ്(ക്യാപ്റ്റൻ), ജാമി സ്മിത്ത്, ഗസ് ആറ്റ്കിൻസൺ, സാം കുക്ക്, ജോഷ് ടോങ്, ഷോയിബ് ബഷീർ.

സിംബാബ്‌വെ പ്ലെയിങ് ഇലവൻ

ക്രെയ്ഗ് എർവിൻ (ക്യാപ്റ്റൻ), ബ്രയാൻ ബെന്നറ്റ്, ബെൻ കുറാൻ, തനക ചിവാംഗ, ക്ലൈവ് മദാൻഡെ, വെസ്‌ലി മധേവെരെ, വെല്ലിംഗ്ടൺ മസകാഡ്‌സ, ബ്ലെസിംഗ് മുസരബാനി, റിച്ചാർഡ് നഗാരവ, ന്യൂമാൻ ന്യാംഹുരി, വിക്ടർ ന്യൗച്ചി, സിക്കന്ദർ റാസ, തഫദ്‌സ്‌വാ ത്സിഗാംസ്, നിഫാദ്‌സ്‌വാ സിഗാംസ്.

joe root create a historical record in test cricket