ഏകാന: ഐപിഎല്ലിൽ സൺറൈസേഴ്‌സ് ഹൈദെരാബാദിനെതിരെ റോയൽ ചലഞ്ചേഴ്സ് ബെംഗളൂരുവിന് 232 റൺസിന്റെ വിജയലക്ഷ്യം. ഏകാന ക്രിക്കറ്റ് സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ആർസിബി ബൗളിംഗ് തെരഞ്ഞെടുക്കുകയായിരുന്നു. മത്സരത്തിൽ ഇന്ത്യൻ പേസർ ഭുവനേശ്വർ കുമാർ ഒരു തകർപ്പൻ നേട്ടമാണ് കൈവരിച്ചത്.

ഇന്ത്യൻ മണ്ണിൽ ടി-20 ഫോർമാറ്റിൽ 250 വിക്കറ്റുകൾ വീഴ്ത്താനാണ് ഭുവനേശ്വറിന് സാധിച്ചത്. ഈ നേട്ടത്തിലെത്തുന്ന ആദ്യ പേസർ കൂടിയാണ് ഭുവനേശ്വർ. 289 വിക്കറ്റുകൾ നേടിയ പിയുഷ് ചൗളയും 287 യുസ്‌വേന്ദ്ര ചഹലുമാണ് ഈ റെക്കോർഡിൽ ഒന്നും രണ്ടും സ്ഥാനങ്ങളിൽ ഉള്ളത്. മത്സരത്തിൽ നേടിയ ഒറ്റ വിക്കറ്റിന് പിന്നാലെയാണ് ഭുവി ഈ റെക്കോർഡ് കൈപ്പിടിയിലാക്കിയത്. 

അർദ്ധ സെഞ്ച്വറി നേടിയ ഇഷാൻ കിഷന്റെ കരുത്തിലാണ് ഓറഞ്ച് ആർമി മികച്ച ടോട്ടൽ നേടിയത്. 48 പന്തിൽ പുറത്താവാതെ 94 റൺസാണ് ഇഷാൻ കിഷൻ നേടിയത്. ഏഴ് ഫോറുകളും അഞ്ചു സിക്സുമാണ് താരം നേടിയത്. അഭിഷേക് ശർമ്മ 17 പന്തിൽ 34 റൺസും അനികേത് വർമ്മ ഒമ്പത് പന്തിൽ 26 റൺസും നേടി. 

റോയൽ ചലഞ്ചേഴ്‌സ് ബെംഗളൂരു പ്ലെയിങ് ഇലവൻ

ഫിൽ സാൾട്ട്, വിരാട് കോഹ്‌ലി, മായങ്ക് അഗർവാൾ, ജിതേഷ് ശർമ്മ(വിക്കറ്റ് കീപ്പർ/ക്യാപ്റ്റൻ), ടിം ഡേവിഡ്, റൊമാരിയോ ഷെപ്പേർഡ്, കൃണാൽ പാണ്ഡ്യ, ഭുവനേശ്വർ കുമാർ, യാഷ് ദയാൽ, ലുങ്കി എൻഗിഡി, സുയാഷ് ശർമ്മ. 

സൺറൈസേഴ്‌സ് ഹൈദരാബാദ് പ്ലെയിങ് ഇലവൻ

അഭിഷേക് ശർമ്മ, ട്രാവിസ് ഹെഡ്, ഇഷാൻ കിഷൻ(വിക്കറ്റ് കീപ്പർ), നിതീഷ് കുമാർ റെഡ്ഡി, ഹെൻറിച്ച് ക്ലാസൻ, അനികേത് വർമ, അഭിനവ് മനോഹർ, പാറ്റ് കമ്മിൻസ്(ക്യാപ്റ്റൻ), ഹർഷൽ പട്ടേൽ, ജയ്ദേവ് ഉനദ്കട്ട്, ഇഷാൻ മലിംഗ.

Bhuvneshwar Kumar Create a new historical record in t20 cricket