കാലിഫോർണിയ:ലോകം അതിവേഗത്തിൽ കൃത്രിമബുദ്ധിയിലേക്കാണ് (AI) നീങ്ങുന്നത്. ഈ മാറ്റത്തിന്റെ പശ്ചാത്തലത്തിൽ, ഗൂഗിൾ ഡീപ്‌മൈൻഡ് സിഇഒ ഡെമിസ് ഹസാബിസ് കൗമാരക്കാർക്ക് മുൻകൂട്ടി മുന്നറിയിപ്പ് നൽകിയിരിക്കുകയാണ്: "അടുത്ത അഞ്ച് വർഷത്തിനകം നിരവധി ജോലികൾ എഐ ഇല്ലാതാക്കും. അതിനാൽ, ഇപ്പോഴേ ഒരുക്കങ്ങൾ തുടങ്ങണം."

ജനപ്രിയ ടെക് പോഡ്കാസ്റ്റായ ഹാർഡ് ഫോർക്ക്-ലും ഗൂഗിള്‍ ഐ/ഒ 2024 ലും സംസാരിക്കുമ്പോൾ ഹസാബിസ് കൗമാരക്കാരെ കൃത്രിമബുദ്ധിയിൽ ആഴത്തിൽ പഠിക്കാൻ പ്രോത്സാഹിപ്പിച്ചു. എഐ ഇന്നത്തെ യുവതലമുറയെ നിർവചിക്കുന്ന സാങ്കേതികശക്തിയാണെന്നും, അതിലേക്കുള്ള പാത കുറിച്ചുതുടങ്ങാത്തവർ ഭാവിയിൽ പിന്നിലായിപ്പോകുമെന്നും അദ്ദേഹം മുന്നറിയിപ്പ് നൽകി.

ജെമിനി ചാറ്റ്‌ബോട്ടും AGI വികസനവും ഉൾപ്പെടെ ഗൂഗിളിന്റെ പുതിയ എഐ പദ്ധതികൾക്ക് നേതൃത്വം നൽകുന്ന ഹസാബിസ് അടുത്ത 10 വർഷത്തിനുള്ളിൽ മനുഷ്യനെപോലെ ചിന്തിക്കാനാകും എഐക്ക് കഴിയും എന്ന വിശ്വാസം പങ്കുവച്ചു.

ഹസാബിസ് മുന്നറിയിപ്പ് നൽകുന്നത് ഒരു ഭീഷണിയായി മാത്രമല്ല, അവസരമായി കാണുകയാണ്. എഐ കുറെ ജോലികൾ ഇല്ലാതാക്കും എങ്കിലും, അതുപോലെ പുതിയതും രസകരവുമായ തൊഴിൽ സാധ്യതകളും ഉണ്ടാകുമെന്നും അദ്ദേഹം വ്യക്തമാക്കി. എഐ ഉപകരണങ്ങൾ മനസ്സിലാക്കാനും, അവയെ ഉപയോഗിക്കാനും, സാങ്കേതിക വിദ്യയുടെ "നിൻജകളായി" മാറാനും വിദ്യാർത്ഥികളോട് അദ്ദേഹം പറഞ്ഞു.

അടുത്ത തലമുറയ്ക്ക് STEM വിഷയങ്ങളിൽ (സയൻസ്, ടെക്‌നോളജി, എഞ്ചിനീയറിംഗ്, മാത്തമാറ്റിക്സ്) ഉറച്ച അറിവ് വേണമെങ്കിലും അതിനോടൊപ്പം സർഗ്ഗാത്മകത, പൊരുത്തപ്പെടൽ, പ്രതിരോധശേഷി തുടങ്ങിയ മെറ്റാ-കഴിവുകളും വളർത്തേണ്ടത് അനിവാര്യമാണെന്നും അദ്ദേഹം ചൂണ്ടിക്കാട്ടി.

ChatGPT പോലുള്ള ജനറേറ്റീവ് എഐ ടൂളുകളുടെ വരവോടെ, ഈ രംഗം അതിവേഗം മുന്നേറുകയാണ്. അതിനാൽ തന്നെ എഐയെ കൃത്യമായി ഉപയോഗിക്കുകയും അതിനൊപ്പം വളരുകയും ചെയ്യുന്നത് യുവജനങ്ങളുടെ പ്രധാന ഉത്തരവാദിത്തമായി ഹസാബിസ് കാണുന്നു.

"എഐ വർത്തമാനവും ഭാവിയുമാണ്. അതിനാൽ, യൂണിവേഴ്സിറ്റി വിദ്യാഭ്യാസം ഒരു ബിരുദം നേടുന്നതിനായി മാത്രമല്ല, പഠന രീതി മെച്ചപ്പെടുത്താനും ആഴത്തിലുള്ള അറിവ് നേടാനും ഉപയോഗിക്കണം" – ഹസാബിസ് നിർദേശിച്ചു. എഐയുടെ വരവോടെ തീവ്രമായ മാനസിക-ബുദ്ധി കഴിവുകൾ ആവശ്യമായി വരുമെന്നും അതിനായി തയ്യാറെടുക്കേണ്ടത് ഇപ്പോഴേ ആണെന്നും ഗൂഗിള്‍ ഡീപ്‌മൈൻഡ് സിഇഒ വ്യക്തമാക്കി.

AI will replace many jobs in the next five years, warns Google DeepMind CEO Demis Hassabis. Speaking on the tech podcast Hard Fork, he urged teenagers to start preparing now by diving into AI learning. Hassabis emphasized that understanding AI tools and concepts is essential, as the technology is rapidly transforming industries. While some jobs will disappear, new and more exciting roles will emerge, he added. He advised youth to build strong STEM foundations and develop creative and adaptive "meta-skills" to stay ahead in the AI-driven future.