ചെന്നൈ: രാജ്യസഭയിലെ എട്ട് ഒഴിവുകളിലേക്ക് കേന്ദ്ര തിരഞ്ഞെടുപ്പു കമ്മിഷൻ വിജ്ഞാപനം പുറപ്പെടുവിച്ചു. തമിഴ്‌നാട്ടിലെ ആറ് സീറ്റുകളിലേക്കും ആസ്സാമിൽ നിന്നുള്ള രണ്ട് സീറ്റുകയിലേക്കുമാണ് തിരഞ്ഞെടുപ്പ് വരുന്നത്. ജൂൺ 19 ന് തെരഞ്ഞെടുപ്പ് നടക്കും. തിരഞ്ഞെടുപ്പിന് ശേഷം പ്രതിപക്ഷ സഖ്യത്തിന് രാജ്യസഭയിൽ രണ്ട് അധിക സീറ്റുകളുടെ മുൻതൂക്കം ലഭിച്ചേക്കാം. തമിഴ്‌നാട്ടിലെ ആറ് സീറ്റുകയിൽ നാലെണ്ണം ഡിഎംകെ നേതൃത്വം നൽകുന്ന മുന്നണിയ്ക്കായിരിക്കും. ഇതിലൊന്നിൽ തെന്നിന്ത്യൻ സൂപ്പർതാരം കമൽഹാസൻ എത്തുമെന്നാണ് പുതിയ വിവരം. ലോക്സഭാ തെരഞ്ഞെടുപ്പ് കാലത്ത് ഉണ്ടാക്കിയ ധാരണപ്രകാരമാണ് സീറ്റ് ലഭിക്കുക.

കഴിഞ്ഞ ലോക്സഭാ തിരഞ്ഞെടുപ്പു സമയത്ത് കോയമ്പത്തൂരിൽ തന്റെ പാർട്ടിയായ മക്കൾ നീതി മയ്യം സ്ഥാനാർഥിയായി മത്സരിക്കാൻ ഇരുന്നിരുന്ന കമൽഹാസൻ പിന്നീട് പിന്മാറിയിരുന്നു. തുടർന്ന് ഇന്ത്യാ മുന്നണിക്കു വേണ്ടി തമിഴ്നാട്ടിലും പുതുച്ചേരിയിലും പ്രചാരണം നടത്തിയിരുന്നു. മത്സരത്തിൽനിന്നു പിന്മാറുന്നതിന്റെ ഭാഗമായി 2025 ജൂണിൽ ഒഴിവുവരുന്ന രാജ്യസഭാ സീറ്റുകളിൽ ഒന്ന് കമൽഹാസൻ നേതൃത്വം നൽകുന്ന മക്കൾ നീതി മയ്യം പാർട്ടിക്ക് (എംഎൻഎം) നൽകാൻ ധാരണയായിരുന്നു. ഈ സീറ്റിൽ കമൽഹാസൻ തന്നെ രാജ്യസഭയിലേക്ക് എത്തുമെന്നാണ് നിലവിലെ വിവരം. 

ഇതോടെ, സ്വന്തം പാർട്ടി രൂപീകരിച്ചതിന് ശേഷം കമൽഹാസൻ രാഷ്ട്രീയത്തിൽ നടത്തുന്ന ഏറ്റവും വലിയ ചുവടാകും പാർലമെന്റിലേക്കുള്ള തെരഞ്ഞെടുപ്പ്. ഡിഎംകെ നേതൃത്വം നൽകുന്ന മുന്നണിയിൽനിന്ന് നാലുപേർക്ക് ഇക്കുറി രാജ്യസഭാംഗമാകാൻ അവസരമുണ്ട്. രാജ്യസഭാംഗങ്ങളായ അൻപുമണി രാമദാസ്, എം.ഷൺമുഖം, എൻ.ചന്ദ്രശേഖരൻ, എം.മുഹമ്മദ് അബ്ദുല്ല, പി.വിൽസൻ, വൈകോ എന്നിവരുടെ കാലാവധിയാണ് ജൂണിൽ അവസാനിക്കുന്നത്. 

The Election Commission of India has issued a notification for elections to eight vacant seats in the Rajya Sabha. These include six seats from Tamil Nadu and two from Assam. The elections will be held on June 19. Of the six seats from Tamil Nadu, four are likely to go to the DMK-led alliance. As per recent reports, one of these seats is expected to be allotted to South Indian superstar Kamal Haasan, based on an understanding reached during the Lok Sabha election period.