അല്‍കോബാര്‍: പ്രവാസി മലയാളി സഊദി അറേബ്യയിലെ കിഴക്കന്‍ പ്രവിശ്യയിലുള്ള അല്‍കോബാറില്‍ വാഹനാപകടത്തില്‍ മരിച്ചു. കണ്ണൂര്‍ മുണ്ടയാട് സ്വദേശി നന്ദനം വീട്ടില്‍ ഉന്മേഷ് ഇടവന്‍ പുലിയചെറിയത്ത് (45) ആണ് മരിച്ചത്. അല്‍കോബാറിലെ വാട്ടര്‍ കമ്പനിയില്‍ വാച്ച്മാനായി ജോലി ചെയ്ത് വരികയായിരുന്നു ഉന്മേഷ്. ജോലി സ്ഥലത്ത് ഉന്മേഷിനെ ടാങ്കര്‍ ലോറി ഇടിക്കുകയായരുന്നുവെന്നാണ് ബന്ധുക്കള്‍ക്ക് വിവരം ലഭിച്ചത്. 

എട്ട് മാസം മുമ്പാണ് ഉന്മേഷ് നാട്ടില്‍നിന്ന് സഊദിയിലെത്തിയത്. ഇവിടെ ജോലിയില്‍ തുടരാന്‍ താല്‍പര്യമില്ലാത്തതിനാല്‍ നാട്ടിലേക്ക് തിരികെ മടങ്ങാനുള്ള തയ്യാറെടുപ്പിലായിരുന്നു യുവാവെന്ന് സുഹൃത്തുക്കള്‍ പറഞ്ഞു.

സംഭവത്തില്‍ സഊദി പൊലീസ് സ്ഥലത്തെത്തി കേസെടുത്ത് മേല്‍നടപടികള്‍ സ്വീകരിച്ചു. മൃതദേഹം ദമാം സെന്‍ട്രല്‍ ആശുപത്രി മോര്‍ച്ചറിയിലാണ് ഇപ്പോഴുള്ളത്. മൃതദേഹം നാട്ടിലെത്തിച്ച് പിന്നീട് സംസ്‌കരിക്കും. ഇതിനായി ലോക കേരളസഭാംഗവും സാമൂഹിക പ്രവര്‍ത്തകനുമായ നാസ് വക്കത്തിന്റെ നേതൃത്വത്തില്‍ നിയമനടപടികള്‍ സ്വീകരിച്ചുവരികയാണ്.

Expatriate Malayali died in a car accident in Al Khobar, in the Eastern Province of Saudi Arabia.