പാലക്കാട്: കൊല്ലങ്കോടിൽ വെള്ളച്ചാട്ടത്തിൽ അപകടത്തിൽപ്പെട്ട് വിനോദ സഞ്ചാരി മരിച്ചു. മുതലമട നണ്ടൻകിഴായ സ്വദേശിയായ സജീഷ് ആണ് മരിച്ചത്. 27 വയസായിരുന്നു. ഇന്ന് വൈകുന്നേരം അഞ്ചു മണിക്കാണ് സംഭവം നടന്നത്. കൊല്ലങ്കോട് വെള്ളരിമേട് വെള്ളച്ചാട്ടത്തിൽ കാൽവഴുതി സജീഷ് മലയിടുക്കിലേക്ക് വീഴുകയായിരുന്നു. സുഹൃത്തുക്കൾക്കൊപ്പം വെള്ളച്ചാട്ടം കാണാൻ എത്തിയതായിരുന്നു സജീഷ്. 

അപകടം നടന്ന ഉടൻ തന്നെ ഫയർഫോഴ്‌സ് സംഭവസ്ഥലത്തെത്തി രക്ഷാപ്രവർത്തനം നടത്തി സജീഷിനെ നെന്മാറയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിക്കാതെ പോവുകയായിരുന്നു. 

Tourist dies tragically in Kollankodu waterfall accident