പഞ്ചാബ്: ഐപിഎല്ലിൽ പുതിയ നാഴികക്കല്ല് സ്വന്തമാക്കി ഇന്ത്യൻ ക്യാപ്റ്റൻ രോഹിത് ശർമ്മ. എലിമിനേറ്റർ പോരാട്ടത്തിൽ ഗുജറാത്ത് ടൈറ്റൻസിനെതിരെയുള്ള പോരാട്ടത്തിലാണ് രോഹിത് പുതിയ റെക്കോർഡ് കൈവരിച്ചത്. ഐപിഎല്ലിൽ 300 സിക്‌സറുകൾ പൂർത്തിയാക്കാനാണ് ഹിറ്റ്മാന് സാധിച്ചത്. ഈ നേട്ടം കൈവരിക്കുന്ന ആദ്യ ഇന്ത്യൻ താരം കൂടിയാണ് രോഹിത്. 357 സിക്സുകൾ നേടിയ മുൻ വെസ്റ്റ് ഇൻഡീസ് താരം ക്രിസ് ഗെയ്‌ലാണ് ഈ നേട്ടത്തിലെത്തിയ ആദ്യ താരം. 

പഞ്ചാബിലെ മഹാരാജ യാദവീന്ദ്ര സിംഗ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ നടക്കുന്ന ടോസ് നേടിയ മുംബൈ ബാറ്റിംഗ് തെരഞ്ഞെടുക്കുകയായിരുന്നു. മത്സരത്തിൽ 50 പന്തിൽ 81 റൺസാണ് രോഹിത് നേടിയത്. ഒമ്പത് ഫോറുകളും നാല് സിക്സുകളുമാണ് താരം സ്വന്തമാക്കിയത്.  

ഐപിഎല്ലിൽ ഏറ്റവും കൂടുതൽ സിക്സറുകൾ നേടിയ താരങ്ങൾ 

ക്രിസ് ഗെയ്ൽ - 357

രോഹിത് ശർമ്മ - 302*

വിരാട് കോഹ്‌ലി - 291

എം.എസ്. ധോണി - 264

എബി ഡിവില്ലിയേഴ്‌സ് - 251

മുംബൈ ഇന്ത്യൻസ് പ്ലെയിങ് ഇലവൻ 

രോഹിത് ശർമ്മ, ജോണി ബെയർസ്റ്റോ (വിക്കറ്റ് കീപ്പർ), സൂര്യകുമാർ യാദവ്, തിലക് വർമ്മ, ഹാർദിക് പാണ്ഡ്യ (ക്യാപ്റ്റൻ), നമൻ ധിർ, രാജ് ബാവ, മിച്ചൽ സാൻ്റ്നർ, ട്രെൻ്റ് ബോൾട്ട്, ജസ്പ്രീത് ബുംറ, റിച്ചാർഡ് ഗ്ലീസൺ. 

ഗുജറാത്ത് ടൈറ്റൻസ് പ്ലെയിങ് ഇലവൻ 

ശുഭ്മാൻ ഗിൽ(ക്യാപ്റ്റൻ), സായ് സുദർശൻ, കുശാൽ മെൻഡിസ്(വിക്കറ്റ് കീപ്പർ), ഷാരൂഖ് ഖാൻ, വാഷിംഗ്ടൺ സുന്ദർ, രാഹുൽ തിവാട്ടിയ, റാഷിദ് ഖാൻ, രവിശ്രീനിവാസൻ സായ് കിഷോർ, ജെറാൾഡ് കോട്സി, മുഹമ്മദ് സിറാജ്, പ്രസീദ് കൃഷ്ണ. 

Rohit Sharma Completed 300 Sixes in IPL History