കൊച്ചി: എറണാകുളം കടമറ്റത്ത് ദേശീയപാതയില്‍ ഇന്ന് രാവിലെ സംഭവിച്ച വാഹനാപകടത്തില്‍ ബൈക്ക് യാത്രികനായ യുവാവിന് ദാരുണാന്ത്യം. കോലഞ്ചേരി ഭാഗത്തേക്ക് പോവുകയായിരുന്ന ബൈക്ക് എതിര്‍ ദിശയില്‍ നിന്നെത്തിയ മിനി ലോറിയുമായി കൂട്ടിയിടിക്കുകയായിരുന്നു.

പരുക്കേറ്റ ബൈക്ക് യാത്രികനെ ആശുപത്രിയിലേക്ക് അടിയന്തരമായി മാറ്റിയെങ്കിലും ജീവന്‍ രക്ഷിക്കാനായില്ല. അപകടത്തില്‍പ്പെട്ട ബൈക്കിന്റെ ആര്‍സി അഡ്രസ് കോഴിക്കോട് പ്രദേശത്താണ് രജിസ്റ്റര്‍ ചെയ്തിരിക്കുന്നതെന്നും, മരിച്ച യുവാവിന്റെ വയസ് മുപ്പത് വയസ്സിനു താഴെയാണെന്നുമാണ് പൊലീസ് നൽകുന്ന പ്രാഥമിക വിവരം. ഇന്നു രാവിലെ 6 മണിയോടെയായിരുന്നു അപകടം ഉണ്ടായത്.

തൊഴിലാളികളെ കൊണ്ടുപോകുകയായിരുന്ന മിനി ലോറിയിൽ. ഇടിയുടെ ആഘാതത്തിൽ സമീപത്തുണ്ടായിരുന്ന വൈദ്യുതി പോസ്റ്റും തകർന്നു വീണു.മരിച്ചയാളുടെ തിരിച്ചറിയല്‍ ഇതുവരെ നടന്നിട്ടില്ല. മൃതദേഹം നിലവില്‍ കോലഞ്ചേരി മെഡിക്കല്‍ കോളേജില്‍ സൂക്ഷിച്ചിരിക്കുകയാണ്. പൊലീസും മറ്റ് അന്വേഷണ ഏജന്‍സികളും സ്ഥലത്തെത്തി തുടര്‍നടപടികള്‍ സ്വീകരിച്ചുകൊണ്ടിരിക്കുകയാണ്.

A tragic accident occurred early this morning at Kadamakkudy, Ernakulam, where a mini lorry collided head-on with a bike. The biker, believed to be under 30 years old, died despite being rushed to the hospital. The bike was heading towards Kolenchery when it was hit by a lorry transporting workers. The impact also brought down a nearby electric post. Police are yet to identify the deceased, and the body is kept at Kolenchery Medical College. The bike’s RC address is registered in Kozhikode.