ശരീരത്തില്‍ ഇരുമ്പിന്റെ അംശം കുറയുമ്പോഴുണ്ടാകുന്ന അവസ്ഥയാണ് അനീമിയ  അഥവാ വിളര്‍ച്ച. ശരീരത്തിന്റെ എല്ലാ ഭാഗങ്ങളിലേക്കും ഓക്‌സിജന്‍ എത്തിക്കണമെങ്കില്‍ ഇരുമ്പ് ആവശ്യമാണ്. ഹീമോഗ്ലോബിന്റെ പ്രധാന ഘടകവുമാണ് ഇരുമ്പ്. 

ഇരുമ്പിന്റെ കുറവുള്ളവരില്‍ അമിത ക്ഷീണവും തളര്‍ച്ചയും ഉണ്ടാവാം. ഉന്‍മേഷക്കുറവും ഒന്നും ചെയ്യാന്‍ തോന്നാത്ത അവസ്ഥയുമൊക്കെ ഇരുമ്പിന്റെ അഭാവം ഉള്ളവരില്‍ കാണപ്പെടുന്നു. 

വിളര്‍ച്ചയും വിളറിയ ചര്‍മവും ഇത്തരക്കാര്‍ക്ക് ഉണ്ടാവും. ഇതും അയണിന്റെ കുറവു കാരണം ഉണ്ടാവുന്നു. 
നഖങ്ങള്‍ പൊട്ടിപ്പോവുന്നതും ഇരുമ്പിന്റെ കുറവുള്ളവരില്‍ കാണാം. 

കൈയും കാലും തണുത്തിരിക്കുന്നതും അയണിന്റെ കുറവുള്ളവരില്‍ കണ്ടുവരുന്നു. വരണ്ട ചര്‍മവും തലമുടി കൊഴിയുന്നതും ഇരുമ്പിന്റെ കുറവിനെ സൂചിപ്പിക്കുന്ന ലക്ഷണങ്ങളാണ്. 

ശ്വസിക്കാനുള്ള ബുദ്ധിമുട്ട് വിചിത്രമായ ചില ഭക്ഷണക്കൊതിയും ഇരുമ്പിന്റെ കുറവുള്ളവരില്‍ കാണാം. 
തലവേദനയും തലകറക്കവും ഇരുമ്പിന്റെ കുറവിനെ സൂചിപ്പിക്കുന്നു. ഇങ്ങനെ എന്തെങ്കിലും ലക്ഷണങ്ങള്‍ കണ്ടാല്‍ ഉടനെ ഡോക്ടറെ സമീപിക്കാന്‍ മടിക്കരുത്.