കൊച്ചി: കൊച്ചി പുറംകടലിൽ മുങ്ങിയ എം.എസ്.സി എൽസ 3 എന്ന ചരക്ക് കപ്പലിലെ കണ്ടെയ്‌നറുകളിൽ ഉണ്ടായിരുന്ന ചരക്കുകളുടെ വിവരങ്ങൾ സർക്കാർ പുറത്തുവിട്ടു. തേങ്ങ മുതൽ കാത്സ്യം കാർബെെഡ് വരെ നിറച്ച കണ്ടയ്നറുകളാണ് കടലിൽ വീണതെന്നാണ് സർക്കാർ വ്യക്തമാക്കുന്നത്. ആകെ കപ്പലിലുണ്ടായിരുന്ന 643 കണ്ടയ്നറുകളിൽ 640 എണ്ണത്തിലെ വിവരങ്ങളാണ് സർക്കാർ പുറത്തുവിട്ടത്. 

ക്യാഷ് എന്ന് എഴുതിയ 4 കണ്ടെയ്നറിൽ കശുവണ്ടിയാണ് ഉണ്ടായിരുന്നത്. 46 കണ്ടെയ്നറിൽ തേങ്ങയും കശുവണ്ടിയുമാണ്. 87 കണ്ടെയ്നറിൽ തടിയുമുണ്ടായിരുന്നു. 87 കണ്ടെയ്‌നറുകളിൽ തടിയും 60 കണ്ടെയ്‌നറുകളിൽ പോളിമർ അസംസ്‌കൃത വസ്തുക്കളുമാണെന്നും റിപ്പോർട്ടിലുണ്ട്. 39 കണ്ടെയ്‌നറുകളിൽ വസ്ത്രനിർമാണത്തിനുള്ള പഞ്ഞിയാണുള്ളതെന്നും റിപ്പോർട്ടിൽ പറയുന്നു.

മനുഷ്യശരീരവുമായി നേരിട്ട് സമ്പർക്കത്തിലേർപ്പെട്ടാൽ അപകടകരമായ വസ്തുവാണ് കാൽസ്യത്തിന്റെയും കാർബണിന്റെയും സംയുക്തമായ കാൽസ്യം കാർബൈഡ്. ഇവ 13 കണ്ടെയ്നറുകളിലുണ്ടായിരുന്നു. ഇതു വെള്ളവുമായി ചേർന്ന് അസറ്റലിൻ വാതകമുണ്ടാകുകയും, പെട്ടെന്നു തീപിടിക്കുകയും ചെയ്യും.  ഇതിൽ എട്ടെണ്ണം മുങ്ങിയ കപ്പലിന്റെ അകത്തെ അറയിലും ബാക്കിയുള്ളവ പുറത്തുമാണ്.

ALSO READ: ബലിപെരുന്നാള്‍; വെള്ളിയാഴ്ച്ചയിലെ അവധി ശനിയാഴ്ച്ചയിലേക്ക് മാറ്റി സര്‍ക്കാര്‍ ഉത്തരവിറക്കി 

പ്രാഥമിക കണക്കെടുപ്പില്‍ 500-600 കോടി രൂപയുടെ നഷ്ടമാണ് കണക്കാക്കിയത്. ഫീഡര്‍ കണ്ടെയ്‌നര്‍ കപ്പലുകള്‍ക്ക് നിലവില്‍ 150-200 കോടി രൂപയാണ് നിര്‍മ്മാണച്ചെലവ്. 30 വര്‍ഷം പഴക്കമുള്ള എല്‍സ 3 കപ്പലിന് 80-90 കോടി രൂപ വരെയാണ് കണക്കാക്കു. 

കണ്ടെയ്‌നറുകളിലെ ചരക്കുകള്‍ക്ക് ഏകദേശം 400 കോടിയാണ് പ്രാഥമിക നഷ്ടമായി വിലയിരുത്തിയത്. ഇന്‍ഷുറന്‍സ് ലഭിക്കുമെന്നതിനാല്‍ കപ്പലിലുള്ള തുക നഷ്ടമാകില്ല.

government has released details of the cargo containers from the sunken vessel MSC ELS 3, which went down off the coast of Kochi. The containers, which fell into the sea, were reportedly carrying goods ranging from coconuts to calcium carbide.