പെരുന്നാളിന് രാവിലെ ചായക്ക് (നാസ്ത) എന്താണ് ഉണ്ടാക്കുക എന്നത് എല്ലാവര്‍ക്കും കണ്‍ഫ്യൂഷന്‍ ഉണ്ടാക്കുന്ന ഒന്നാണ്. എന്നാല്‍ ഈ പെരുന്നാളിന് രാവിലെ പ്രാതലിനായി നമുക്ക് നെയ്പത്തല്‍ തന്നെ ഉണ്ടാക്കാം. എളുപ്പവുമാണ് നല്ലരുചിയും ഒരു വറൈറ്റയും. ഇത് ബീഫ് ഫ്രൈക്കൊപ്പമോ ലിവര്‍ ഫ്രൈയ്‌ക്കൊപ്പമോ കഴിച്ചാല്‍ പൊളിക്കും. 

പുഴുങ്ങലരി - ഒരു കപ്പ് (കുതിര്‍ത്തു വയ്ക്കുക)
ചെറിയ ഉള്ളി - 10
ഏലയ്ക്കാ -2
തേങ്ങാചിരവിയത് - ഒന്നര കപ്പ്

ഉപ്പ് ആവശ്യത്തിന്
പെരുംജീരകം - ഒരു സ്പൂണ്‍

ഉണ്ടാക്കുന്ന വിധം

കുതിര്‍ത്തുവച്ച അരി കഴുകി വെള്ളം ഊറ്റിയെടുത്ത് ആവശ്യത്തിന് ഉപ്പും ജീരകവും  ചെറിയുള്ളിയും  ഏലയ്ക്കയും തേങ്ങയും ചേര്‍ത്ത് കട്ടിയായി മിക്‌സിയിലോ ഗ്രൈന്‍ഡറിലോ തരിയോടെ അരച്ചെടുക്കുക. 

ഒരു ചീനച്ചട്ടിയില്‍ എണ്ണ ഒഴിച്ചുചുടാകുമ്പോള്‍ ഒരു ഉരുളകള്‍ എടുത്ത് പരത്തി തിളച്ച എണ്ണയിലേക്കിട്ട് വറുത്തു  കോരുക. (ഒരു വാഴയിലയോ പ്ലാസ്റ്റിക് ഷീറ്റോ നിവര്‍ത്തിവച്ച് തുടച്ച് വൃത്തിയാക്കി അതില്‍ എണ്ണ തടവി മാവില്‍ നിന്ന് ഒരോ ഉരുളകള്‍ എടുത്ത് കൈകൊണ്ട് പരത്തി വയ്ക്കുക). തിരിച്ചും മറിച്ചും വേവിക്കുക. സൂപ്പര്‍ ടേസ്റ്റുള്ള നെയ്പ്പത്തല്‍ റെഡി.