ദുബൈ: ബലി പെരുന്നാളിന്റെ സന്തോഷത്തില്‍ പൊതുജന പങ്കാളിത്തം ഉറപ്പാക്കുന്നതിന്റെ ഭാഗമായി SKSSF യു.എ. ഇ നാഷണൽ കമ്മിറ്റിയും സര്‍ഗലയ സമിതിയും സംയുക്തമായി 'ലബ്ബൈക്ക് 25 - സീസൺ 3' ഓൺലൈൻ ലൈവ് ക്വിസ് മത്സരം സംഘടിപ്പിക്കുന്നു.

ഞായറാഴ്‌ച (നാളെ) രാത്രി 8 മണിക്ക് ഓൺലൈൻ പ്ലാറ്റ്ഫോമില്‍ ലൈവ് ആയാണ് മത്സരം നടക്കുന്നത്.

വിദ്യാര്‍ഥികള്‍, കുടുംബിനികള്‍, യുവജനങ്ങള്‍ ഉള്‍പ്പെടെ യു.എ.  ഇ റെസിഡൻസ് വിസയുള്ള സാധാരണക്കാരായ ആര്‍ക്കും ഈ മത്സരത്തിൽ പങ്കെടുക്കാവുന്നതാണ്.

വിജയികളാകുന്ന ആദ്യ പത്തു  സ്ഥാനക്കാര്‍ക്ക് ആകര്‍ഷണീയമായ
സമ്മാനങ്ങളും, സര്‍ട്ടിഫിക്കറ്റും ലഭിക്കും.

പണ്ഡിതരും, പണ്ഡിതകളും പരിപാടിയിൽ നിന്നും വിട്ടുനിൽക്കാൻ താൽപര്യപ്പെടുന്നതായി സംഘാടകർ അറിയിച്ചു.ആദ്യ രണ്ടു സീസണുകൾക്ക്  മികച്ച സ്വീകാര്യതയും, ജന പങ്കാളിത്തവും ലഭിച്ച 'ലബ്ബൈക്ക്' ക്വിസ്, ഇസ്ലാമികമായ അറിവുകൾക്ക് മിഴിവേകുന്ന ഒരു പ്ലാറ്റ്ഫോം എന്ന നിലയിൽ ഏറെ ശ്രദ്ധേയമായിരുന്നു.

നിലവില്‍ നാനൂറിൽ പരം ആളുകള്‍ റെജിസ്റ്റര്‍ ചെയ്ത മത്സരത്തിന് 
ഇത്തവണയും ബഹുജന പങ്കാളിത്തം പ്രതീക്ഷിക്കുന്നതായി സംഘാടകർ അറിയിച്ചു.

മത്സരത്തിൽ പങ്കെടുക്കാൻ താത്പര്യമുള്ളവർ 0522800399 എന്ന  നമ്പറില്‍ ബന്ധപ്പെടുക.