ദുബൈ: എമിറേറ്റിലുടനീളമുള്ള 13 പോലീസ് സ്റ്റേഷനുകളുടെ പ്രവര്‍ത്തന പ്രകടനം മെച്ചപ്പെടുത്തുന്നതിനുള്ള പദ്ധതികള്‍ പ്രഖ്യാപിച്ച് ദുബൈ പൊലിസിന്റെ ആക്ടിംഗ് കമാന്‍ഡര്‍ ഇന്‍ ചീഫ് മേജര്‍ ജനറല്‍ ഹരേബ് മുഹമ്മദ് അല്‍ ഷംസി. ക്രിമിനല്‍, ഗതാഗത സംബന്ധമായ കാര്യങ്ങളില്‍ സുഗമവും ഉയര്‍ന്ന നിലവാരമുള്ളതുമായ സേവനങ്ങള്‍ നല്‍കുന്നതിന് ലഭ്യമായ വിഭവങ്ങളും സാങ്കേതികവിദ്യകളും പ്രയോജനപ്പെടുത്തുക എന്നതാണ് സംരംഭംകൊണ്ട് ലക്ഷ്യമിടുന്നത്.

ALSO READ: പ്രവാസികളുടെ പ്രത്യേക ശ്രദ്ധയ്ക്ക്, വിദേശത്ത് പോകുന്നത് നാട്ടുകാരെ അറിയിക്കാൻ ബോർഡിംഗ് പാസ് ഫോട്ടോ എടുത്ത് സോഷ്യൽ മീഡിയയിൽ ഇടേണ്ട; മുന്നറിയിപ്പ് നൽകി വിദഗ്ധർ

പൊലിസ് സ്റ്റേഷനുകളുടെയും വകുപ്പുകളുടെയും വാര്‍ഷിക പരിശോധനാ പരിപാടിയുടെ ഭാഗമായി നായിഫ് പൊലിസ് സ്റ്റേഷന്‍ സന്ദര്‍ശിച്ചപ്പോഴാണ് അദ്ദേഹം ഇക്കാര്യം അറിയിച്ചത്. നായിഫ് പൊലിസ് സ്റ്റേഷനിലെ മേജര്‍ ജനറല്‍ ഡോ. താരിഖ് തഹ്‌ലക്, പൊലിസ് സ്റ്റേഷന്‍ ഡയറക്ടര്‍ കൗണ്‍സില്‍ ചെയര്‍മാനും ദുബൈ മൗണ്ടഡ് പൊലിസ് സ്റ്റേഷന്‍ ഡയറക്ടറുമായ മേജര്‍ ജനറല്‍ ഡോ. മുഹമ്മദ് ഇസ്സ അല്‍ അദാബ്, നായിഫ് പൊലിസ് സ്റ്റേഷന്‍ ഡെപ്യൂട്ടി ഡയറക്ടര്‍ ബ്രിഗേഡിയര്‍ ഒമര്‍ മൂസ അഷൂര്‍, പരിശോധനാ വകുപ്പിന്റെയും കമ്മിറ്റികളുടെയും ടാസ്‌ക് ഫോഴ്‌സിന്റെയും ആക്ടിംഗ് ഡയറക്ടര്‍ കേണല്‍ അഹമ്മദ് അല്‍ മുഹൈരി, പരിശോധനാ വിഭാഗം മേധാവി ലെഫ്റ്റനന്റ് കേണല്‍ ഡോ. അബ്ദുള്‍ റസാഖ് അബ്ദുള്‍ റഹിം, ജനറല്‍ പരിശോധനാ സംഘത്തിലെ മറ്റ് ഉദ്യോഗസ്ഥരും അംഗങ്ങളും അദ്ദേഹത്തോടൊപ്പം ഉണ്ടായിരുന്നു.

ദുബൈയിലെ ഏറ്റവും തിരക്കേറിയ വാണിജ്യ ജില്ലകളിലൊന്നായ നായിഫിന്റെ തന്ത്രപരമായ പ്രാധാന്യം അല്‍ ഷംസി എടുത്തുപറഞ്ഞു. ബാങ്കുകള്‍, എക്‌സ്‌ചേഞ്ച് ഹൗസുകള്‍, റീട്ടെയില്‍ ഔട്ട്‌ലെറ്റുകള്‍, ഹോട്ടലുകള്‍, ഗോള്‍ഡ് സൂക്ക്, സൂഖ് മുര്‍ഷിദ് പോലുള്ള ഐക്കണിക് മാര്‍ക്കറ്റുകള്‍ എന്നിവ ഇവിടെ കേന്ദ്രീകരിച്ചിരിക്കുന്നു. പൊതുജനങ്ങളുടെ പ്രതീക്ഷകള്‍ നിറവേറ്റുന്നതും സര്‍ക്കാരിന്റെ കാഴ്ചപ്പാടുമായി പൊരുത്തപ്പെടുന്നതുമായ സേവനങ്ങള്‍ നല്‍കുന്നതിന് ലഭ്യമായ എല്ലാ വിഭവങ്ങളും ഉപയോഗിക്കേണ്ടതിന്‍രെ പ്രാധാന്യവും അദ്ദേഹം പറഞ്ഞു.

ക്രിമിനല്‍, ട്രാഫിക്, അഡ്മിനിസ്‌ട്രേറ്റീവ് എന്നിങ്ങനെ എല്ലാ വകുപ്പുകളിലുമുള്ള നായിഫ് പൊലിസ് സ്റ്റേഷന്‍ ടീമിന്റെ പ്രൊഫഷണലിസത്തെയും സമര്‍പ്പണബോധത്തെയും അദ്ദേഹം പ്രശംസിച്ചു. സുരക്ഷയും പൊതുജനവിശ്വാസവും നിലനിര്‍ത്തുന്നതിനുള്ള അവരുടെ പ്രതിബദ്ധതയെയും അദ്ദേഹം പ്രശംസിച്ചു.

ALSO READ: UAE Job Alert: ദുബൈയിൽ ആറു ലക്ഷം രൂപയ്ക്ക് മുകളിൽ ശമ്പളമുള്ള പ്രവാസികൾക്ക് അപേക്ഷിക്കാവുന്ന 10 സർക്കാർ ജോലികൾ; അപേക്ഷിക്കേണ്ട വിധം ഇങ്ങനെ

നായിഫ് പ്രദേശത്തെ പൊതു, സ്വകാര്യ മേഖലാ സ്ഥാപനങ്ങളുമായി പങ്കാളിത്തം കെട്ടിപ്പടുക്കുന്നതില്‍ സ്റ്റേഷന്റെ അവിഭാജ്യ പങ്ക് അദ്ദേഹം ചൂണ്ടിക്കാട്ടി. മറ്റ് പൊലിസ് യൂണിറ്റുകളുമായും വകുപ്പുകളുമായും ഉള്ള സ്റ്റേഷന്റെ ഏകോപനവും അദ്ദേഹം പരിശോധിച്ചു. വാഹനങ്ങള്‍, ഉപകരണങ്ങള്‍, കസ്റ്റമര്‍ ഹാപ്പിനെസ് സെന്റര്‍, ക്രിമിനല്‍, ട്രാഫിക് രജിസ്‌ട്രേഷന്‍ യൂണിറ്റുകള്‍, ജനറല്‍ ഡ്യൂട്ടി ഓഫീസ്, അഡ്മിനിസ്‌ട്രേറ്റീവ് അഫയേഴ്‌സ് തുടങ്ങിയ പ്രധാന സേവന മേഖലകളും അദ്ദേഹം പരിശോധിച്ചു. വിവിധ റാങ്കുകളിലെ ജീവനക്കാരുമായും അദ്ദേഹം കൂടിക്കാഴ്ച നടത്തി.

Dubai Police are set to enhance public safety by upgrading traffic and crime management systems at 13 stations, integrating cutting-edge AI and smart technologies. This initiative aims to improve incident response, traffic enforcement, and crime prevention, reinforcing Dubai's reputation for innovative law enforcement.