60 വർഷത്തിനിടെ ചെറുതും വലുതുമായ പത്തിലേറെ കപ്പലപകടങ്ങളാണ് കേരളതീരത്ത് സംഭവിച്ചത്. 1968 ഓഗസ്റ്റിൽ തിരുവനന്തപുരം ശംഖുമുഖം കടപ്പുറത്തിനു സമീപം മുങ്ങിയ ഗ്രീക്ക് കപ്പലാണ് ഇതിൽ ആദ്യത്തേത്. ഗ്രീസിൽനിന്ന് ക്രൂഡ് ഓയിലുമായെത്തിയ കപ്പലാണ്  55 മീറ്റർ ആഴമുള്ള പുറങ്കടലിൽ ആഴ്ന്നുപോയത്. 

1972 മേയിലായിരുന്നു കേരളതീരത്തെ ഞെട്ടിച്ച രണ്ടാം അപകടം. കൊച്ചി പുറങ്കടലിൽ മുങ്ങിത്താഴ്ന്ന ഈ ചരക്കുകപ്പലും ഗ്രീസിൽനിന്നുള്ളതായിരുന്നു. എൻജിൻ റൂമിൽ വെള്ളം കയറിയതിനെ തുടർന്നാണ് 'സോളി മറിയ' എന്ന കപ്പൽ മുങ്ങിയത്. ക്യാപ്റ്റൻ ഉൾപ്പെടെയുള്ളവർ ലൈഫ് ജാക്കറ്റ് ഉപയോഗിച്ച് രക്ഷപ്പെട്ടെങ്കിലും കപ്പലും അതിലുണ്ടായിരുന്ന കോടിക്കണക്കിനു രൂപയുടെ വസ്തുക്കളും വീണ്ടെടുക്കാൻ കഴിഞ്ഞില്ല. 

ALSO READ: https://www.suprabhaatham.com/details/428080?link=rescue-operations-continue-for-4-missing-crew-members-in-kerala-ship-fire

1978 ഓഗസ്റ്റിൽ ഗുഡ് ഫോർച്യൂൺ എന്ന കപ്പൽ കണ്ണൂർ ഏഴിമലയ്ക്കടുത്ത് മുങ്ങി. ഡീസലും ഫർണസ് ഓയിലുമായിരുന്നു കപ്പലിൽ. ചൈനയിൽനിന്ന് അൽബോനിയയിലേക്ക് സ്റ്റീലുമായി പോയ 'മരിയ' എന്ന കപ്പൽ 2007 ജൂൺ 30ന് കൊച്ചി തുറമുഖത്തുനിന്ന് എട്ട് കി.മി അകലെ അറബിക്കടലിൽ മുങ്ങിത്താഴ്ന്നു. തമിഴ്‌നാട് സ്വദേശികളായ അഞ്ചുപേർ ഉൾപ്പെടെ 15 പേരെ നാവികരെ രക്ഷപ്പെടുത്തി. നമ്മുടെ സമുദ്രാതിർത്തിയിൽ അല്ലെങ്കിലും കേരളവുമായി ബന്ധമുള്ള കപ്പലുകളും കടലാഴങ്ങളിൽ മറഞ്ഞിട്ടുണ്ട്. 

ALSO READ: 16 ദിവസത്തിനിടെ രണ്ട് കപ്പലപകടം; കേരളം തീരം സുരക്ഷിതമല്ലേ? ആധിയിൽ തീരദേശം

കേരളഷിപ്പിങ് കോർപറേഷന്റെ ഉടമസ്ഥതയിലുള്ള 'കൈരളി' എന്ന ചരക്കുകപ്പൽ 1979 ജൂൺ 30നു കാണാതായതാണ് അതിൽ പ്രധാനം. ഗോവയിൽനിന്ന് ഇരുമ്പയിരുമായി ആഫ്രിക്കയിലെ ജിബൂട്ടി വഴി കിഴക്കൻ ജർമനിയിലേക്കുള്ള യാത്രയിലാണ് കൈരളി അപ്രത്യക്ഷമായത്. 23 മലയാളികൾ ഉൾപ്പെടെ 51 ജീവനക്കാരാണ് 'കൈരളി'യിലുണ്ടായിരുന്നത്. കപ്പലിനും ജീവനക്കാർക്കും എന്തു സംഭവിച്ചുവെന്നത് ഇന്നും ദുരൂഹമായി തുടരുന്നു.

From 1968 to 2025 More than ten shipwrecks occurred off the Kerala coast in 60 years