പോളിടെക്നിക് ഡിപ്ലോമ രണ്ടാംവർഷത്തിലേക്ക് നേരിട്ടുള്ള ലാറ്ററൽ എൻട്രി പ്രവേശനത്തിന്റെ അന്തിമ റാങ്ക് ലിസ്റ്റ് പ്രസിദ്ധീകരിച്ചു. ജൂൺ 10 വരെ അഡ്മിഷൻ പോർട്ടലിലെ  ലിങ്ക് വഴി കൗൺസലിങ്ങിന്‌ രജിസ്റ്റർചെയ്യാം. അപേക്ഷകന് പരമാവധി മൂന്ന് ജില്ലകളിലേക്ക് (ഇടുക്കി, വയനാട് എന്നീ ജില്ലകൾക്കുപുറമേ) ഒരേസമയം രജിസ്റ്റർചെയ്യാം.

റാങ്ക് ലിസ്റ്റിന്റെ അടിസ്ഥാനത്തിൽ ബന്ധപ്പെട്ട സ്ഥാപനങ്ങളിലേക്കുള്ള കൗൺസിലിങ് ജില്ലാതലത്തിൽ ജൂൺ 11 മുതൽ 13 വരെ നോഡൽ പോളിടെക്നിക് കോളേജുകളിൽ നടത്തും. സമയക്രമം പരിശോധിച്ചതിനുശേഷം അതത്‌ നോഡൽ പോളിടെക്നിക് കോളേജുകളിൽ നിശ്ചിതസമയത്തുതന്നെ ഹാജരാകണം.

വിവരങ്ങൾക്ക്: www.polyadmission.org/let അഡ്മിഷൻ പോർട്ടലിലോ സമീപത്തുള്ള പോളിടെക്നിക്‌ കോളേജിലെ ഹെൽപ്പ് ഡെസ്കിലോ ബന്ധപ്പെടാം.

കൂടുതല്‍ Education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

വിദ്യാപോഷിണി: ഫെല്ലോഷിപ്പിന് അപേക്ഷിക്കാം

സംസ്ഥാന പരിസ്ഥിതി കാലാവസ്ഥ വ്യതിയാന ഡയരക്ടറേറ്റ് വിദ്യാപോഷിണി ഫെലോഷിപ്പിനായി ബിരുദാനന്തര ബിരുദ വിദ്യാർഥികളിൽനിന്ന് അപേക്ഷ ക്ഷണിച്ചു. വിശദാംശങ്ങളും അപേക്ഷയുടെ മാതൃകയും www.envt.kerala.gov.in വെബ്‌സൈറ്റിൽ. അപേക്ഷകളും അനുബന്ധ രേഖകളും 30നു മുൻപായി ഡയരക്ടർ, പരിസ്ഥിതി കാലാവസ്ഥ വ്യതിയാന ഡയരക്ടറേറ്റ്, കെ.എസ്.ആർ.ടി.സി ബസ് ടെർമിനൽ (നാലാം നില), തിരുവനന്തപുരം  695001 വിലാസത്തിൽ സമർപ്പിക്കണം.

Polytechnic admission Counseling will be held at the district level from tomorrow