ഗസ്സ: ആക്രമണത്തില്‍ അല്‍പം പോലും ഇളവ് വരുത്താതെ ഇസ്‌റാഈല്‍ ഗസ്സയില്‍ 24 മണിക്കൂറിനിടെ 120 പേരെയാണ് സയണിസ്റ്റ് സേന കൊലപ്പെടുത്തിയത്.  474 പേര്‍ക്ക് പരുക്കേറ്റതായും ഗസ്സ ആരോഗ്യ മന്ത്രാലയം കഴിഞ്ഞ ദിവസം പുറത്തു വിട്ട റിപ്പോര്‍ട്ടില്‍ പറയുന്നു.

നേരത്തെ കൊല്ലപ്പെട്ട മൂന്നു പേരുടെ മൃതദേഹങ്ങള്‍ കെട്ടിടാവശിഷ്ടങ്ങള്‍ക്കിടയില്‍ കണ്ടെത്തി. സഹായം വാങ്ങാനെത്തിയ 57 പേരെങ്കിലും ഇന്നലെ കൊല്ലപ്പെട്ടുവെന്നാണ് റിപ്പോര്‍ട്ട്. സഹായ കേന്ദ്രങ്ങളിലെത്തിയ 363 പേര്‍ക്ക് പരുക്കേറ്റിട്ടുണ്ട്. ഇതോടെ ഭക്ഷണ വിതരണ കേന്ദ്രങ്ങളില്‍ കൊല്ലപ്പെട്ടവരുടെ എണ്ണം 224 ആയി. 1,858 പേര്‍ക്ക് പരുക്കേറ്റിട്ടുണ്ട്.

അഭയാര്‍ത്ഥി ക്യാംപുകള്‍ക്ക് മേല്‍ നിലക്കാത്ത ബോംബ് വര്‍ഷവും തുടരുകയാണ്. പിഞ്ചുകുഞ്ഞുങ്ങള്‍ ഉള്‍പെടെ നിരവധി പേരാണ് ഈ ആക്രമണങ്ങളില്‍ കൊല്ലപ്പെട്ടിട്ടുള്ളത്. 

ALSO READ: മദ്ലീൻ! ഗ്രെറ്റയുടെ കപ്പലിനിട്ട പേര് ഗസ്സയിലെ ഏക വനിതാ മത്സ്യത്തൊഴിലാളിയുടേത്

ഹമാസിനെ പരാജയപ്പെടുത്തുന്നതു വരെ ആക്രമണം തുടരുമെന്ന് ഇസ്‌റാഈല്‍ സൈനിക മേധാവി ഇയാല്‍ സാമിര്‍ കഴിഞ്ഞ ദിവസം പ്രതികരിച്ചത്. വടക്കന്‍ ഗസ്സയില്‍ സൈനികരെ അഭിസംബോധന ചെയ്യവെയായിരുന്നു പ്രതികരണം. കൂടുതല്‍ സൈനികരെ ഗസ്സയില്‍ ഉപയോഗിക്കുമെന്നും റിസര്‍വ് സൈന്യത്തിന്റെ അംഗബലം കൂട്ടുമെന്നും നിര്‍ബന്ധിത സൈനിക സേവനം ഉറപ്പുവരുത്തുമെന്നും അദ്ദേഹം പറഞ്ഞു. എല്ലാ തടവുകാരെയും തിരികെ കൊണ്ടുവരുമെന്നും അദ്ദേഹം പറഞ്ഞു.

ഹമാസിന്റെ പ്രത്യാക്രമണത്തില്‍ രണ്ട് ഇസ്‌റാഈല്‍ സൈനികര്‍ക്ക് സാരമായി പരുക്കേറ്റതായി ഇസ്‌റാഈല്‍ ആര്‍മി റേഡിയോ സ്ഥിരീകരിച്ചു. ഖാന്‍ യൂനുസില്‍ വച്ചാണ് ആക്രമണം നടന്നത്. ഈ മേഖലയില്‍ ഇസ്‌റാഈല്‍ സൈനികനെ വെടിവച്ചു കൊലപ്പെടുത്തിയതായി ഹമാസ് അറിയിച്ചിരുന്നു. എന്നാല്‍ തങ്ങളുടെ സൈനികര്‍ കൊല്ലപ്പെട്ടതായി ഇസ്‌റാഈല്‍ സ്ഥിരീകരിച്ചിട്ടില്ല. ഖാന്‍ യൂനുസിലെ അബാസന്‍ അല്‍ കാബിറയില്‍ ആണ് ഇസ്‌റാഈല്‍ സൈനികനെ കൊലപ്പെടുത്തിയതെന്ന് ഹമാസ് അറിയിച്ചു.

Israeli military attacks on Gaza continue with no signs of relief, killing 120 Palestinians and injuring 474 in the past 24 hours, according to the Gaza Health Ministry. Aid centers and refugee camps remain primary targets as civilian casualties mount.