ഇടുക്കി: പൊലിസ് സ്റ്റേഷനിൽ ഒളിക്യാമറ വച്ച് വനിതാ പൊലിസുകാരുടെ ദൃശ്യങ്ങൾ പകർത്തിയ പൊലിസുകാരൻ അറസ്റ്റിൽ. വണ്ടിപ്പെരിയാർ സ്റ്റേഷനിലെ സി.പി.ഒ  വൈശാഖാണ് പിടിയിലായത്. സ്റ്റേഷനിൽ വനിത പൊലിസുകാർ വസ്ത്രം മാറുന്ന സ്ഥലത്താണ് ഇയാൾ ഒളി ക്യാമറ വെച്ച് ദൃശ്യങ്ങൾ പകർത്തിയത്. ദൃശ്യങ്ങൾ കാണിച്ച് ഭീഷണി ചെയ്തതോടെയാണ് സംഭവം പുറത്തറിഞ്ഞത്.

വൈശാഖ് ദൃശ്യങ്ങൾ പകർത്തി വനിതാ പൊലിസ് ഉദ്യോഗസ്ഥയ്ക്ക് അയച്ചു നൽകി ഭീഷണിപ്പെടുത്തിയതോടെ ഉദ്യോഗസ്ഥ പരാതി നൽകുകയായിരുന്നു. ഉദ്യോഗസ്ഥ വനിതാ സെല്ലിലും സൈബർ ക്രൈമിലും ഭീഷണിപ്പെടുത്തിയതിനും ദൃശ്യങ്ങൾ പകർത്തിയതിനും പരാതി നൽകി. തുടർന്ന് ഇടുക്കി എസ്.പിയുടെ നേതൃത്വത്തിലാണ് പൊലിസുകാരനെ അറസ്റ്റ് ചെയ്തത്. 

ഒളിക്യാമറ വെച്ച് പൊലിസുകാരനായ വൈശാഖ് പകർത്തിയ ദൃശ്യങ്ങൾ പ്രതിയുടെ ഫോണിൽ നിന്നും എസ്.പി ഉൾപ്പെട്ട അന്വേഷണ സംഘം കണ്ടെത്തി. സംഭവത്തിൽ പൊലിസ് ഇയാളെ ചോദ്യം ചെയ്തുവരികയാണ്.