ദുബൈ: അടുത്ത കാലത്തായി വിവിധ മേഖലകളില്‍ സ്വദേശിവല്‍ക്കരണം ശക്തമാക്കാന്‍ യുഎഇ സര്‍ക്കാര്‍ തീരുമാനിച്ചിരുന്നു. ഇപ്പോള്‍ ഇന്‍ഷുറന്‍സ് മേഖലയിലും സ്വദേശിവല്‍ക്കരണം വര്‍ധിപ്പിക്കാന്‍ ഒരുങ്ങുകയാണ് യുഎഇ.

ALSO READ: UAE Job Alert: ദുബൈയിൽ ആറു ലക്ഷം രൂപയ്ക്ക് മുകളിൽ ശമ്പളമുള്ള പ്രവാസികൾക്ക് അപേക്ഷിക്കാവുന്ന 10 സർക്കാർ ജോലികൾ; അപേക്ഷിക്കേണ്ട വിധം ഇങ്ങനെ

2027 മുതല്‍ 2030 വരെയുള്ള കാലയളവില്‍ 50 മുതല്‍ 60 ശതമാനം വരെ സ്വദേശിവല്‍ക്കരണമാണ് സര്‍ക്കാര്‍ ലക്ഷ്യമിടുന്നത്. സ്ഥാപനങ്ങളുടെ വലുപ്പം പരിഗണിച്ചാകും സ്വദേശിവല്‍ക്കരണ അനുപാതം കണക്കാക്കുക. 2 മുതല്‍ 19 വരെ തൊഴിലാളികള്‍ ഉള്ള കമ്പനികള്‍ കുറഞ്ഞത് ഒരു സ്വദേശിയെ എങ്കിലും നിയമിക്കണം,

ഇരുപതോ അതിലേറെയോ തൊഴിലാളികള്‍ ഉള്ള കമ്പനികളില്‍ മുപ്പത് ശതമാനം സ്വദേശിവല്‍ക്കരണം നടപ്പാക്കണം. സ്ഥാപനങ്ങളിലെ നിര്‍മായക പദവികളായ സിഇഓ, ജനറല്‍ മാനേജര്‍ തുടങ്ങിയ പദവികളിലും 30 ശതമാനം സ്വദേശിവല്‍ക്കരണം നടപ്പാക്കണം. യുഎഇ സാമ്പത്തികകാര്യ സഹമന്ത്രിയായ മുഹമ്മദ് അല്‍ ഹുസൈനിയാണ് ഫെഡറല്‍ നാഷണല്‍ കൗണ്‍സിലില്‍ ഇക്കാര്യം അറിയിച്ചത്.

ഈ മാസം ഒന്നു വരെയുള്ള കണക്കുകള്‍ പ്രകാരം ഇന്‍ഷുറന്‍സ് മേഖലയില്‍ 9,773 ജീവനക്കാരാണ് തൊഴില്‍ ചെയ്യുന്നത്. ഇവരില്‍ 2,159 പേര്‍ സ്വദേശികളാണ്. അതായ് 22 ശതമാനത്തോളം പേര്‍.

ALSO READ: പ്രവാസികളുടെ പ്രത്യേക ശ്രദ്ധയ്ക്ക്, വിദേശത്ത് പോകുന്നത് നാട്ടുകാരെ അറിയിക്കാൻ ബോർഡിംഗ് പാസ് ഫോട്ടോ എടുത്ത് സോഷ്യൽ മീഡിയയിൽ ഇടേണ്ട; മുന്നറിയിപ്പ് നൽകി വിദഗ്ധർ

സ്വദേശിവല്‍ക്കരണം മൂലം ഇന്‍ഷുറന്‍സ് മേഖലയില്‍ തൊഴില്‍ ചെയ്യുന്ന സ്വദേശികളുടെ എണ്ണത്തില്‍ വന്‍ പുരോഗതി ഉണ്ടായതായി മന്ത്രി പറഞ്ഞു. 2026നുള്ളില്‍ സ്വദേശിവല്‍ക്കരണ നിരക്ക് 30 ശതമാനമായി ഉയര്‍ത്തുമെന്ന് മന്ത്രി വ്യക്തമാക്കി. 

The UAE is set to expand its indigenization policy to the insurance sector, posing a significant challenge for expatriate Indians, particularly Malayalis, employed in the industry.