യൂണിയൻ പബ്ലിക് സർവീസ് കമ്മീഷൻ (UPSC) സിവിൽ സർവീസസ് പരീക്ഷ (CSE) പ്രിലിമിനറി പരീക്ഷയുടെ ഫലം പ്രഖ്യാപിച്ചു. 14,161 പേർ പ്രിലിമിനറി പരീക്ഷ പാസായി. ഇവർ മെയിൻ പരീക്ഷയ്ക്ക് അർഹത നേടി.  പ്രിലിമിനറി പാസായ ഉദ്യോഗാർത്ഥികൾ ഓഗസ്റ്റ് 22 മുതൽ അഞ്ച് ദിവസങ്ങളിലായി നടക്കുന്ന മെയിൻ പരീക്ഷയ്ക്ക് വേണ്ട ഒരുക്കങ്ങൾ നടത്തണം. ജൂൺ 16 മുതൽ 25 വരെയാണ് വിശദാംശങ്ങൾ നൽകാനും അപ്‌ഡേറ്റ് ചെയ്യാനും ഉള്ള സമയം. 

പത്ത് ലക്ഷത്തിലേറെ പേർ പങ്കെടുത്ത പരീക്ഷയിൽ നിന്നാണ് 14,161 പേർ പ്രിലിമിനറി പാസായത്. UPSC CSE 2025 പ്രിലിമിനറി പരീക്ഷ എഴുതിയ ഉദ്യോഗാർത്ഥികൾക്ക് ഇപ്പോൾ upsc.gov.in, upsconline.gov.in എന്നീ ഔദ്യോഗിക വെബ്‌സൈറ്റുകളിൽ അവരുടെ ഫലം പരിശോധിക്കാം. 

യുപിഎസ്‌സി സിഎസ്ഇ പ്രിലിമിനറി പരീക്ഷാ ഫലത്തിന് പുറമേ, യുപിഎസ്‌സി ഇന്ത്യൻ ഫോറസ്റ്റ് സർവീസ് (പ്രിലിമിനറി) ഫലവും കമ്മീഷൻ പ്രഖ്യാപിച്ചിട്ടുണ്ട്. യോഗ്യതയുള്ള ഉദ്യോഗാർത്ഥികൾക്ക് 2025 ജൂൺ 16 മുതൽ 25 വരെ കമ്മീഷന്റെ വെബ്‌സൈറ്റിൽ വിശദാംശങ്ങൾ നൽകാനും അപ്‌ഡേറ്റ് ചെയ്യാനും കഴിയും, ഇതിൽ 200 രൂപ പരീക്ഷാ ഫീസ് അടയ്ക്കൽ (സ്ത്രീ/ പിഡബ്ല്യുബിഡി/ എസ്‌സി/ എസ്ടി വിഭാഗം ഉദ്യോഗാർത്ഥികൾ ഒഴികെ);  വിശദാംശങ്ങൾ, സഹായ ഉപകരണങ്ങൾ, ചോദ്യപേപ്പർ ഭാഷ; പേര് മാറ്റങ്ങളോ പൊരുത്തക്കേടുകളോ ഉള്ള ഗസറ്റ് വിജ്ഞാപനം എന്നിവ ചേർക്കാൻ ഉള്ള സമയം ഉണ്ട്.

2025 ലെ സിവിൽ സർവീസസ് പരീക്ഷയുടെയും 2025 ലെ ഇന്ത്യൻ ഫോറസ്റ്റ് സർവീസ് പരീക്ഷയുടെയും മുഴുവൻ പ്രക്രിയയും പൂർത്തിയായതിനുശേഷം, അതായത് 2026 ലെ അന്തിമ ഫലം പ്രഖ്യാപിച്ചതിനുശേഷം മാത്രമേ യുപിഎസ്‌സി സിഎസ്‌ഇ പ്രിലിമിനറി 2025 മാർക്കുകൾ, കട്ട്-ഓഫ് മാർക്കുകൾ, ഉത്തരസൂചികകൾ എന്നിവ കമ്മീഷന്റെ വെബ്‌സൈറ്റായ upsc.gov.in-ൽ അപ്‌ലോഡ് ചെയ്യുകയുള്ളൂ.