ലോകത്തിലെ ഏറ്റവും വലിയ ദുരന്തമായ ആകാശ കൂട്ടിയിടി ഇന്ത്യൻ ഗ്രാമമായ ചാർഖി ദാദ്രിയിലാണ് നടന്നത്. 1996 നവംബർ 12 ന് നടന്ന ദുരന്തത്തിൽ 349 പേരാണ് കൊല്ലപ്പെട്ടത്. ഇന്ത്യയിലെ ഡൽഹി ഇന്ദിരാഗാന്ധി ഇന്റർനാഷണൽ എയർപോർട്ടിനും സഊദി അറേബ്യയിലെ ജിദ്ദ കിങ് അബ്ദുൽ അസീസ് ഇന്റർനാഷണൽ എയർപോർട്ടിനും ഇടയിൽ ഷെഡ്യൂൾ ചെയ്‌ത അന്താരാഷ്‌ട്ര വിമാനമായ സഊദി അറേബ്യ എയർലൈൻസിന്റെ എസ്‌.വി 763 വിമാനമാണ് കസാക്കിസ്ഥാൻ എയർലൈൻസുമായി കൂട്ടിയിടിയിൽപ്പെട്ടത്. 14 വർഷം പഴക്കമുള്ള സഊദി അറേബ്യൻ എയർലൈൻസിന്റെ ബോയിങ് 747-168B രജിസ്റ്റർ ചെയ്ത HZ-AIH വിമാനമാണ് അന്ന് കസാക്കിസ്ഥാൻ എയർലൈൻസുമായി ആകാശത്ത് വെച്ച് മുഖാമുഖം കൂട്ടിയിടിച്ചത്. 

9,837 മണിക്കൂർ വിമാനം പറത്തി പരിചയമുള്ള പൈലറ്റായ 45 കാരനായ ക്യാപ്റ്റൻ ഖാലിദ് അൽ ശുബൈലിയായിരുന്നു സഊദി വിമാനത്തിന്റെ ചുമതല. ഫസ്റ്റ് ഓഫീസർ നസീർ ഖാനും ഫ്ലൈറ്റ് എഞ്ചിനിയർ അഹമ്മദ് ഇദ്‌രീസും ക്യാപ്റ്റനെ സഹായിക്കാനായി ഉണ്ടായിരുന്നു. കസാക്കിസ്ഥാൻ എയർലൈൻസ് ഫ്ലൈറ്റ് 1907 ഡൽഹിയിൽ ഇറങ്ങാനുള്ള ഒരുക്കത്തിലായിരുന്നു, വിമാനത്താവളത്തിൽ നിന്ന് 74 മൈൽ അകലെ 23,000 അടിയിൽ നിന്ന് 18,000 അടിയിലേക്ക് ഇറങ്ങുമ്പോൾ എയർ ട്രാഫിക് കൺട്രോളുമായി (എ.ടി.സി) പൈലറ്റ് ബന്ധപ്പെട്ടു. കൺട്രോളർ വിമാനം ഇറങ്ങാൻ അനുവദിക്കുകയും വിമാനം 15,000 അടി ഉയരത്തിൽ എത്തുമ്പോൾ ബന്ധപ്പെടാൻ ആവശ്യപ്പെടുകയും ചെയ്തു. ഇതേസമയം, തന്നെ ഡൽഹിയിൽ നിന്ന് പറന്നുയർന്ന സഊദി അറേബ്യ എയർലൈൻസിന്റെ എസ്.വി 763 വിമാനം പറന്നുയർന്ന് 14,000 അടിയിലേക്ക് ഉയരാനും എയർട്രാഫിക് കൺട്രോൾ അനുമതി നൽകിയിരുന്നു.

ALSO READ: ഇറാനെ ആക്രമിച്ച് ഇസ്‌റാഈല്‍; തെഹ്‌റാനില്‍ സ്‌ഫോടനങ്ങള്‍; പശ്ചിമേഷ്യയില്‍ വീണ്ടും യുദ്ധഭീതി | Israel launches Attack on Iran 

കസാക്ക് വിമാനം അവരോട് ആവശ്യപ്പെട്ട ഉയരം നിലനിർത്തുന്നതിൽ പരാജയപ്പെട്ടതാണ് ദുരന്തത്തിന് കാരണമെന്നാണ് നിഗമനം. പറന്നുയർന്ന സഊദി വിമാനത്തിന്റെ എതിർവശത്ത് നിന്ന് വരുന്നതിനാൽ, എയർട്രാഫിക് കൺട്രോളർ കസാക്ക് വിമാനത്തോട് 14,000 നിലനിർത്താനും നിർദ്ദേശങ്ങൾക്കായി കാത്തിരിക്കാനും ആവശ്യപ്പെട്ടു. കുറച്ച് സമയത്തിന് ശേഷം, കസാക്ക് വിമാനം വിമാനത്താവളത്തിൽ നിന്ന് 15,000 അടി 46 മൈൽ അകലെയാണെന്ന് റിപ്പോർട്ട് ചെയ്തു.

ഇതിനിടെ കസാക്ക്എയറുമായി ദൂരപരിധി സംബന്ധമായി എയർ കൺട്രോളർ നിരന്തരം ബന്ധപ്പെട്ടിരുന്നു. 
വ്യക്തമായ കാരണമൊന്നും കൂടാതെ കസാക്ക് ഫ്ലൈറ്റ് നിൽക്കേണ്ട സ്ഥലത്തിന് താഴെക്ക് ഇറങ്ങി, തൊട്ടുടനെ സഊദി അറേബ്യ എയർലൈൻസിന്റെ ബോയിങ് 747മായി കൂട്ടിയിടിക്കുകയായിരുന്നു. ഇതോടെ, രണ്ട് വിമാനങ്ങളും തീപിടിച്ച് നിലത്തേക്ക് കുതിച്ചു.

Saudi-Kazakh air collision in Delhi the worlds deadliest disaster