പാലക്കാട്: കോട്ടായിയിൽ കോൺഗ്രസ് ഓഫീസിലേക്ക് കയറി സിപിഎം പ്രവർത്തകർ. കോൺഗ്രസ് വിട്ട മോഹൻകുമാറും സിപിഎം പ്രാദേശിക നേതാക്കളുമാണ് ഓഫീസിന്റെ പൂട്ട് തകർത്തുകൊണ്ട് കയറിയത്. കോൺഗ്രസിന്റെ കൊടിമരം കട്ടർ ഉപയോഗിച്ചുകൊണ്ട് മുറിച്ചു മാറ്റുകയും ചെയ്തു. 

പൊലിസ് പൂട്ടിയിട്ട വാതിൽ പൊളിച്ചാണ് പ്രവർത്തകർ ഓഫീസിന്റെ അകത്തേക്ക് കയറിയത്. അകത്തെത്തിയതിന് ശേഷം സിപിഎം പതാകയും ഫ്‌ളെക്‌സും വെക്കുകയായിരുന്നു. ഇതിന് ശേഷം പാർട്ടി ഓഫീസ് പൊലിസ് വീണ്ടും അടച്ചു. ആലത്തൂർ ഡിവൈഎസ്പിയുടെ നേതൃത്തിലാണ് ഈ നടപടി എടുത്തത്. ഇതിന് മുമ്പ് ഓഫീസ് ചുവപ്പ് പെയിന്റ് അടിക്കാൻ ശ്രമിച്ചതിനെ തുടർന്ന് സംഘർഷങ്ങൾ ഉണ്ടായിരുന്നു. ഇതിന് പിന്നാലെയാണ് പൊലിസ് എത്തി ഓഫീസ് പൂട്ടിയത്. 

CPM workers break the lock of Congress office in Palakkad