തിരുവനന്തപുരം: പ്രതിഷേധങ്ങള്‍ക്കിടെ രാജ്ഭവനില്‍ വീണ്ടും കാവിക്കൊടിയേന്തിയ ഭാരതാംബയുടെ ചിത്രം. രാജ്ഭവനിലെ പ്രഭാഷണ വേധിയിലാണ് സിംഹത്തിന്റെ പുറത്തിരിക്കുന്ന ഭാരതാംബയുടെ ചിത്രം ഉപയോഗിച്ചത്. ഇടത് വിദ്യാര്‍ഥി സംഘടനകള്‍ ഉള്‍പ്പെടെ ശക്തമായ പ്രതിഷേധം നടത്തുന്നതിനിടെയാണ് ഗവര്‍ണര്‍ രേജേന്ദ്ര ആര്‍ലേക്കറുടെ നടപടി. 

അതേസമയം ഗവര്‍ണറുടെ നടപടിക്കെതിരെ പ്രതിഷേധവുമായി വിദ്യാഭ്യാസ മന്ത്രി വി ശിവന്‍കുട്ടി രംഗത്തെത്തി. ഗവര്‍ണര്‍ താനിരിക്കുന്ന സ്ഥാനത്തെ ബഹുമാനിക്കണമെന്നും രാജ്യത്തെ മുഴുവന്‍ കാവിവല്‍ക്കരിക്കുമ്പോള്‍ രാജ്ഭവന്‍ കാവിവല്‍ക്കരിക്കുന്നതില്‍ അതിശയോക്തിയില്ലെന്നും ശിവന്‍കുട്ടി പറഞ്ഞു. കാവിവല്‍ക്കരണത്തിനല്ല അദ്ദേഹത്തെ ഗവര്‍ണറാക്കിയതെന്ന് തിരിച്ചറിയണമെന്നും ശിവന്‍കുട്ടി പറഞ്ഞു. ആദ്യ ആഴ്ച്ചകളില്‍ അദ്ദേഹം നല്ല കുട്ടിയായിരുന്നെന്നും ശിവന്‍കുട്ടി കൂട്ടിച്ചേര്‍ത്തു. 

ALSO READ: മികച്ച റോഡ് സൗകര്യം നൽകാൻ കഴിയില്ലെങ്കിൽ ടോൾ പിരിക്കാനും പാടില്ലെന്ന് ഹൈക്കോടതി

നേരത്തെ ലോക പരിസ്ഥിതി ദിനത്തോടനുബന്ധിച്ച് സര്‍ക്കാര്‍ സംഘടിപ്പിച്ച പരിപാടിയില്‍ ആര്‍എസ്എസിന്റെ കൊടിയേന്തിയ ഭാരതാംബയുടെ ചിത്രം ഉപയോഗിച്ചത് വലിയ വിവാദങ്ങള്‍ക്ക് കാരണമായിരുന്നു. ആര്‍എസ്എസ് കൊടിക്ക് പുഷ്പാര്‍ച്ചന നടത്തണമെന്ന് ഗവര്‍ണറുടെ വസതിയായ രാജ്ഭവന്‍ നിര്‍ദേശം നല്‍കുകയും, സര്‍ക്കാര്‍ വിസമ്മതിക്കുകയും ചെയ്തിരുന്നു. തുടര്‍ന്ന് രാജ്ഭവനില്‍ നടത്താനിരുന്ന കൃഷിവകുപ്പിന്റെ പരിപാടി സെക്രട്ടറിയേറ്റിലേക്ക് മാറ്റി. 

Amid controversies, the image of Bharat Mata holding a saffron flag appears again at the Raj Bhavan. The image was displayed above a lion on the speech podium at the Raj Bhavan.