മലപ്പുറം: തിരൂരിൽ ഞെട്ടിപ്പിക്കുന്ന സംഭവം. 9 മാസം പ്രായമായ പെൺ കുഞ്ഞിനെ ഒന്നര ലക്ഷം രൂപയ്ക്ക് വിറ്റ കേസിൽ അഞ്ച് പേരെ തിരൂർ പൊലീസ് അറസ്റ്റ് ചെയ്തു. കുഞ്ഞിന്റെ അമ്മ കീർത്തന, രണ്ടാനച്ഛൻ ശിവ, കുഞ്ഞിനെ വാങ്ങിയ ആദി ലക്ഷ്മി, ഇടനിലക്കാരായ ശെന്തിൽ കുമാർ, പ്രേമലത എന്നിവരാണ് അറസ്റ്റിലായത്.

തമിഴ്നാട് സേലം സ്വദേശികളായ പ്രതികൾ തിരൂരിലെ വാടക ക്വാർട്ടേഴ്സിൽ താമസിച്ചിരുന്നു. കോഴിക്കോട് താമസിക്കുന്ന തമിഴ്നാട് സ്വദേശിനിയായ യുവതിക്കാണ് കുഞ്ഞിനെ കൈമാറിയത്. സ്വന്തം മകളായി വളർത്താനാണ് കുഞ്ഞിനെ വാങ്ങിയതെന്ന് യുവതി പൊലീസിനോട് വെളിപ്പെടുത്തി. കുഞ്ഞിന്റെ അമ്മയും രണ്ടാനച്ഛനും ചേർന്നാണ് കുഞ്ഞിനെ വിൽപ്പനയ്ക്ക് വെച്ചത്. ആദ്യം 3 ലക്ഷം രൂപ ആവശ്യപ്പെട്ടെങ്കിലും, പിന്നീട് ഒന്നരലക്ഷം രൂപയ്ക്ക് കരാറുറപ്പിച്ച് കുഞ്ഞിനെ കൈമാറുകയായിരുന്നു. കീർത്തനയുടെ ആദ്യ ഭർത്താവിൽ ജനിച്ച കുഞ്ഞാണ് ഇത്.

കുഞ്ഞിനെ കാണാതായതോടെ അയൽക്കാർ മാതാപിതാക്കളോട് ചോദിച്ചെങ്കിലും വ്യക്തമായ മറുപടി ലഭിച്ചില്ല. തുടർന്ന് അയൽക്കാർ തിരൂർ പൊലീസിൽ പരാതി നൽകുകയായിരുന്നു. പൊലീസ് അന്വേഷണം ആരംഭിച്ചപ്പോൾ, പ്രതികൾ കുഞ്ഞിനെ മറ്റൊരാൾക്ക് കൈമാറിയ വിവരം വെളിപ്പെടുത്തി. ഇതോടെ അന്വേഷണം കോഴിക്കോട്ടെ യുവതിയിലേക്ക് നീണ്ടു. തിരൂർ പൊലീസ് കുഞ്ഞിനെ രക്ഷപ്പെടുത്തി സുരക്ഷിത കേന്ദ്രത്തിലേക്ക് മാറ്റി. കേസിൽ അന്വേഷണം തുടരുകയാണ്.

In Tirur, Malappuram, a 9-month-old baby was sold for ₹1.5 lakh. The buyers and sellers, all from Tamil Nadu, were arrested. The infant’s mother Keerthana, stepfather Shiva, buyer Aadi Lakshmi, and middlemen Shenthil Kumar and Premalatha were detained by Tirur police, who rescued the child. The accused claimed the baby was bought to be raised.