ചൊവ്വാഴ്ച പുറത്തുവിട്ട പുതിയ റാങ്കിംഗില്‍, 2025ലെ ലോകത്തെ മികച്ച 10 എയര്‍ലൈനുകളില്‍ ഒന്നാം സ്ഥാനം ഖത്തര്‍ എയര്‍വേഴ്‌സിന്. തുടര്‍ച്ചയായ ഒമ്പതാം വര്‍ഷമാണ് ഖത്തര്‍ എയര്‍വേഴ്‌സ് നേട്ടം ആവര്‍ത്തിക്കുന്നത്. സ്‌കൈട്രാക്‌സ് വേള്‍ഡ് എയര്‍ലൈന്‍ അവാര്‍ഡുകളില്‍ സിംഗപ്പൂര്‍ എയര്‍ലൈന്‍സ്, കാത്തേ പസഫിക്, എമിറേറ്റ്‌സ് എന്നിവ രണ്ട്, മൂന്ന്, നാല് സ്ഥാനങ്ങളില്‍ എത്തി.

ALSO READ: യുഎഇയില്‍ ജീവനക്കാര്‍ കൂട്ടത്തോടെ ജോലി ഉപേക്ഷിക്കുന്നതിനു പിന്നിലെ പ്രധാന കാരണമിത്

ജപ്പാന്റെ ഓള്‍ നിപ്പോണ്‍ എയര്‍വേയ്‌സ് (ANA) അഞ്ചാം സ്ഥാനത്തെത്തി. ജൂണ്‍ 16 മുതല്‍ 22 വരെ പാരീസ് എയര്‍ ഷോയില്‍ നടന്ന ഒരാഴ്ച ദൈര്‍ഘ്യമുള്ള ചടങ്ങില്‍ അവാര്‍ഡുകള്‍ വിതരണം ചെയ്യും. ജപ്പാന്‍ എയര്‍ലൈന്‍സ്, എയര്‍ ന്യൂസിലന്‍ഡ്, ക്വാണ്ടാസ്, ടര്‍ക്കിഷ് എയര്‍ലൈന്‍സ്, ഇവാ എയര്‍ എന്നിവ ആദ്യ പത്തില്‍ ഇടം പിടിച്ചു.

2025ലെ മികച്ച 5 എയര്‍ലൈനുകള്‍ (സ്‌കൈട്രാക്‌സ് റാങ്കിംഗ്):

ഖത്തര്‍ എയര്‍വേഴ്‌സ്
തുടര്‍ച്ചയായ ഒമ്പതാം വര്‍ഷവും ലോകത്തെ ഏറ്റവും മികച്ച എയര്‍ലൈനായി തെരഞ്ഞെടുക്കപ്പെട്ട ഖത്തര്‍ എയര്‍വേഴ്‌സ്, മികച്ച ബിസിനസ് ക്ലാസ് സേവനവും ദോഹയിലെ ഹമദ് അന്താരാഷ്ട്ര വിമാനത്താവളത്തിലെ അല്‍ മൗര്‍ജാന്‍ ഗാര്‍ഡന്‍ ലൗഞ്ചിന്റെ ആഡംബരവും കൊണ്ട് മതിപ്പുളവാക്കി.

സിംഗപ്പൂര്‍ എയര്‍ലൈന്‍സ്

 

രണ്ടാം സ്ഥാനത്തെത്തിയ സിംഗപ്പൂര്‍, മികച്ച ക്യാബിന്‍ ക്രൂ സേവനവും ഫസ്റ്റ് ക്ലാസ് സ്യൂട്ടുകളിലെ ഡബിള്‍ ബെഡ്, ഗൗര്‍മെറ്റ് ഭക്ഷണ സൗകര്യങ്ങളോടെ പ്രീമിയം യാത്രാ പരിചയം വാഗ്ദാനം ചെയ്യുന്നു.

കാത്തേ പസഫിക്

 

മൂന്നാം സ്ഥാനത്ത് നില്‍ക്കുന്ന കാത്തേ, അസാധാരണമായ സേവനവും ക്ലാസുകള്‍ക്ക് അനുസരിച്ച് ശക്തമായ ഓഫറുകളുടെ കാര്യത്തില്‍ ശ്രദ്ധേയമാണ്.

എമിറേറ്റ്‌സ്

 

ദുബൈ ആസ്ഥാനമായ എമിറേറ്റ്‌സ്, ഫസ്റ്റ് ക്ലാസ് സ്യൂട്ടുകള്‍, മികച്ച ഭക്ഷണം, ICE വിനോദ സംവിധാനം എന്നിവയോടെയാണ് നാലാം സ്ഥാനം സ്വന്തമാക്കിയത്.

ANA (ഓള്‍ നിപ്പോണ്‍ എയര്‍വേയ്‌സ്)

 

 

കൃത്യത, മികച്ച ക്യാബിനുകള്‍, സമയനിഷ്ഠ എന്നിവയില്‍ മുന്നില്‍ നില്‍ക്കുന്ന ANA, ഉയര്‍ന്ന സര്‍വീസ് റേറ്റിംഗ് നേടിയാണ് അഞ്ചാമതെത്തിയത്.

Qatar Airways continues its reign in global aviation, winning the title of World’s Best Airline for the ninth time, reaffirming its excellence in service, safety, and passenger experience.