ഷാര്‍ജ: മുവൈലയിലെ ഒരു സ്‌കൂളില്‍ ഇന്ത്യന്‍ വിദ്യാര്‍ത്ഥി വീണു മരിച്ചതില്‍ രണ്ട് സ്‌കൂള്‍ ജീവനക്കാര്‍ കുറ്റക്കാരെന്ന് ഷാര്‍ജ കോടതി. എട്ടു വയസ്സുകാരനായ റാഷിദ് ഹബീബ് ഒരു വര്‍ഷം മുമ്പാണ് സ്‌കൂളില്‍ വീണു മരിച്ചത്.

ഇരുവരെയും കുറ്റവിമുക്തരാക്കി കൊണ്ട് കീഴ്‌ക്കോടതി പുറപ്പെടുവിച്ച വിധി റദ്ദാക്കികൊണ്ടാണ് ഷാര്‍ജ കോടതിയുടെ നിര്‍ണായക ഇടപെടല്‍. കുട്ടിയുടെ കുടുംബത്തിന് 20,000 ദിര്‍ഹം ബ്ലഡ് മണിയായി നല്‍കാനും ഇരുവരില്‍ നിന്നും 2,000 ദിര്‍ഹം പിഴ വീതം പിഴ ചുമത്താനും ഷാര്‍ജ ഫെഡറല്‍ കോടതി ഉത്തരവിട്ടു.

ALSO READ: യുഎഇയില്‍ ജീവനക്കാര്‍ കൂട്ടത്തോടെ ജോലി ഉപേക്ഷിക്കുന്നതിനു പിന്നിലെ പ്രധാന കാരണമിത്

2024 മാര്‍ച്ച് 11ന് സ്‌കൂള്‍ ബസില്‍ നിന്നിറങ്ങി ക്ലാസിലേക്ക് ഒറ്റയ്ക്ക് നടക്കവെ റാഷിദ് കുഴഞ്ഞുവീഴുകയായിരുന്നു. ഹൃദയാഘാതത്തെ തുടര്‍ന്ന് അല്‍ ഖാസിമി ആശുപത്രിയില്‍ എത്തിച്ചെങ്കിലും റാഷിദ് മരിക്കുകയായിരുന്നു.

ഷാര്‍ജ പൊലിസിന്റെ ഫോറന്‍സിക് റിപ്പോര്‍ട്ടില്‍ റാഷിദിന്റെ മുഖത്ത് ചതവും കവിളെല്ല് പൊട്ടലും തലയോട്ടിക്ക് താഴെ രക്തസ്രാവവും തലച്ചോറിന് ഗുരുതര പരുക്കുകളും കണ്ടെത്തിയിരുന്നു. സിസിടിവി ദൃശ്യങ്ങള്‍ പ്രകാരം, സംഭവസമയത്ത് ജീവനക്കാര്‍ കുട്ടികളെ നിരീക്ഷിച്ചിരുന്നില്ല. മറ്റൊരു കുട്ടി റാഷിദിനെ അടിക്കാന്‍ ശ്രമിച്ചതായും ദൃശ്യങ്ങളില്‍ നിന്ന് വ്യക്തമായിരുന്നു. ജീവനക്കാരുടെ അശ്രദ്ധ മൂലമാണ് കുട്ടിയുടെ ജീവന്‍ നഷ്ടമായതെന്ന് കോടതി നിരീക്ഷിച്ചു. 

കുടുംബം ഇപ്പോഴും റാഷിദിന്റെ നഷ്ടത്തിന്റെ സങ്കടത്തിലാണെന്ന് കുട്ടിയുടെ പിതാവ് ഹബീബ് യാസര്‍ പറഞ്ഞു.

ALSO READ: മോഷ്ടിച്ച ക്രെഡിറ്റ് കാര്‍ഡ് ഉപയോഗിച്ച് പര്‍ച്ചേഴ്‌സ് നടത്തിയ യുവാവിന് തടവും നാടുകടത്തലും വിധിച്ച് ദുബൈ കോടതി

'റാഷിദിനെ ഓര്‍ക്കാത്ത ഒരു ദിവസം പോലും കടന്നുപോകുന്നില്ല,' ചൊവ്വാഴ്ച ഒരു ഫോണ്‍ സംഭാഷണത്തില്‍ അദ്ദേഹം പറഞ്ഞു. 'ഞങ്ങളുടെ ജീവിതം ഒരിക്കലും പഴയതുപോലെയല്ല. അവനെ നിരീക്ഷിക്കാന്‍ ആരെങ്കിലും അവിടെ ഉണ്ടായിരുന്നെങ്കില്‍ എന്താകുമായിരുന്നു എന്ന് ഞങ്ങള്‍ എപ്പോഴും ചിന്തിക്കാറുണ്ട്. എന്തുകൊണ്ട് അവിടെ സിസിടിവി ക്യാമറ ഇല്ലായിരുന്നു? ഒരു സ്‌കൂള്‍ രണ്ടാം വീട് പോലെയാകണം, പക്ഷേ അവര്‍ എന്റെ കുട്ടിയെ പരിചരിച്ചില്ല. പക്ഷേ വേദന അവശേഷിക്കുന്നു. ആ ദിവസം ഞങ്ങള്‍ക്ക് ഞങ്ങളുടെ ഒരു ഭാഗമാണ് നഷ്ടപ്പെട്ടത്.' അദ്ദേഹം പറഞ്ഞു. 

In a tragic case, the Sharjah Federal Court has found school staff guilty of negligence leading to the death of an Indian student. Verdict highlights growing concerns over student safety in schools.