ദുബൈ: യുഎഇയില്‍ സന്ദര്‍ശന വിസയില്‍ എത്തിയവര്‍ വിസ കാലാവധി അവസാനിക്കുന്നതിന് മുമ്പ് ആവശ്യമായ നടപടികള്‍ സ്വീകരിക്കണമെന്ന് ട്രാവല്‍ ഏജന്റുമാരുടെ മുന്നറിയിപ്പ്. ഇറാന്‍-ഇസ്‌റാഈല്‍ സംഘര്‍ഷത്തെ തുടര്‍ന്ന് നിരവധി രാജ്യങ്ങള്‍ വ്യോമാതിര്‍ത്തികള്‍ അടച്ചതോടെ യുഎഇയില്‍നിന്നുള്ള പല വിമാന സര്‍വീസുകളും റദ്ദാക്കപ്പെടുന്നുണ്ട്. വേനലവധി കാലയളവും കണക്കിലെടുക്കുമ്പോള്‍ വിമാനങ്ങള്‍ പൂര്‍ണമായും ബുക്ക് ചെയ്യപ്പെട്ടതിനാല്‍ ടിക്കറ്റ് നിരക്കുകള്‍ വര്‍ധിച്ചതായി റിപ്പോര്‍ട്ടുണ്ട്. ഇതോടെ നാട്ടിലേക്ക് മടങ്ങാന്‍ പ്രയാസങ്ങള്‍ നേരിടാനുള്ള സാധ്യതയേറെയാണ്.

ALSO READ: മോഷ്ടിച്ച ക്രെഡിറ്റ് കാര്‍ഡ് ഉപയോഗിച്ച് പര്‍ച്ചേഴ്‌സ് നടത്തിയ യുവാവിന് തടവും നാടുകടത്തലും വിധിച്ച് ദുബൈ കോടതി

വിസ കാലാവധി പുതുക്കുന്നതോ, സമയബന്ധിതമായി നാട്ടിലേക്ക് മടങ്ങുന്നതിനുള്ള ക്രമീകരണങ്ങള്‍ ചെയ്യുന്നതോ ആവശ്യമാണെന്ന് ഏജന്റുമാര്‍ നിര്‍ദേശിച്ചു. വിമാനങ്ങളില്‍ ബുക്കിംഗ് പൂര്‍ണമായതോടെ കൃത്യസമയത്ത് ടിക്കറ്റ് ലഭിക്കാതിരിക്കാനുള്ള സാധ്യതയും ഉണ്ട്. വിസ കാലാവധി കഴിഞ്ഞ് അനധികൃതമായി തങ്ങിയാല്‍ അധികൃതര്‍ പിഴ ഈടാക്കുമെന്നും പ്പെടുമെന്നും അവര്‍ മുന്നറിയിപ്പ് നല്‍കി.

ALSO READ: യുഎഇയില്‍ ജീവനക്കാര്‍ കൂട്ടത്തോടെ ജോലി ഉപേക്ഷിക്കുന്നതിനു പിന്നിലെ പ്രധാന കാരണമിത്

ഇറാന്‍ ഇസ്‌റാഈല്‍ സംഘര്‍ഷത്തിന്റെ പശ്ചാത്തലത്തില്‍ ഇന്ത്യയടക്കമുള്ള രാജ്യങ്ങളില്‍നിന്നുള്ള വിമാന സര്‍വീസുകള്‍ റദ്ദാക്കപ്പെട്ടതും പ്രതിസന്ധി വര്‍ധിപ്പിക്കുന്നുണ്ട്. അതിനാല്‍, സന്ദര്‍ശകര്‍ വിസ കാലാവധി അവസാനിക്കുന്നതിന് മുമ്പ് ഉചിതമായ നടപടികള്‍ സ്വീകരിക്കേണ്ടതാണ്.

Travel agents in the UAE caution visitors on visit visas to renew their visas or plan their return before the deadline, as of 11:13 AM IST on Wednesday, June 18, 2025. With Iran-Israel tensions causing flight cancellations and full bookings due to summer vacations, failing to act could lead to penalties and disrupted travel plans.