റിയാദ്/ദുബൈ: ഇറാനെതിരായ ഇസ്‌റാഈലിന്റെ വ്യോമാക്രമണങ്ങളെ അപലപിച്ച് 21 അറബ്, മുസ്‌ലിം രാജ്യങ്ങള്‍ തിങ്കളാഴ്ച സംയുക്ത പ്രസ്താവന പുറപ്പെടുവിച്ചതായി ഈജിപ്തിന്റെ ഔദ്യോഗിക വാര്‍ത്താ ഏജന്‍സി മെന റിപ്പോര്‍ട്ട് ചെയ്തു. പ്രാദേശിക സംഘര്‍ഷം ലഘൂകരിക്കാനും 'നിഷ്പക്ഷ' ആണവ നിരായുധീകരണത്തിനും അന്താരാഷ്ട്ര നിയമങ്ങള്‍ ബഹുമാനിക്കാനും പ്രസ്താവനയില്‍ ആഹ്വാനം ചെയ്തു.

ALSO READ: ഇസ്റാഈൽ - ഇറാൻ സംഘർഷം; വിസ കാലാവധി കഴിഞ്ഞും യുഎഇയില്‍ തങ്ങുന്ന ഇറാന്‍ പൗരന്മാര്‍ക്ക് പിഴയില്‍ ഇളവ്

ഈജിപ്ഷ്യന്‍ വിദേശകാര്യ മന്ത്രി ബദര്‍ അബ്ദലട്ടിയുടെ നേതൃത്വത്തില്‍, മേഖലയിലെ സഹപ്രവര്‍ത്തകരുമായുള്ള കൂടിയാലോചനകള്‍ക്ക് ശേഷമാണ് പ്രസ്താവന പുറപ്പെടുവിച്ചത്. സഊദി അറേബ്യ, യുഎഇ, തുര്‍ക്കി, ജോര്‍ദാന്‍, പാകിസ്ഥാന്‍, ബഹ്‌റൈന്‍, ബ്രൂണൈ, ചാഡ്, ഗാംബിയ, അള്‍ജീരിയ, കൊമോറോസ്, ജിബൂട്ടി, സുഡാന്‍, സൊമാലിയ, ഇറാഖ്, ഒമാന്‍, ഖത്തര്‍, കുവൈത്ത്, ലിബിയ, ഈജിപ്ത്, മൗറിറ്റാനിയ എന്നീ രാജ്യങ്ങളാണ് സംയുക്ത പ്രസ്താവനയില്‍ ഒപ്പുവെച്ചത്. 

പ്രസ്താവനയുടെ വിശദാംശങ്ങള്‍

ഇറാന് നേരെയുള്ള ഇസ്‌റാഈല്‍ ആക്രമണങ്ങളെ മന്ത്രിമാര്‍ അന്താരാഷ്ട്ര നിയമങ്ങളുടെയും ഐക്യരാഷ്ട്രസഭാ ചാര്‍ട്ടറിന്റെയും ലംഘനമായി വിശേഷിപ്പിച്ചു. ദേശീയ പരമാധികാരം, പ്രാദേശിക സമഗ്രത എന്നിവ ബഹുമാനിക്കണമെന്നും സമാധാനപരമായ തര്‍ക്ക പരിഹാരത്തിന് ശ്രമിക്കണമെന്നും പ്രസ്താവനയില്‍ ആവശ്യപ്പെട്ടു.

പ്രാദേശിക ആശങ്കകള്‍

ആക്രമണങ്ങള്‍ പ്രാദേശിക സുരക്ഷയ്ക്കും സ്ഥിരതയ്ക്കും ഭീഷണിയാണെന്ന് മന്ത്രിമാര്‍ ആശങ്ക പ്രകടിപ്പിച്ചു. ഇസ്‌റാഈലിന്റെ ശത്രുത അവസാനിപ്പിക്കണമെന്നും സമഗ്ര വെടിനിര്‍ത്തലിലേക്ക് നയിക്കുന്ന സംഘര്‍ഷ ലഘൂകരണ ശ്രമങ്ങള്‍ ആരംഭിക്കണമെന്നും പ്രതിനിധികള്‍ ആവശ്യപ്പെട്ടു.

ALSO READ: പാഴ്‌സൽ തട്ടിപ്പുകൾ വർധിക്കുന്നു: വ്യാജ സന്ദേശങ്ങൾ എങ്ങനെ കണ്ടെത്താമെന്ന് ഉപഭോക്താക്കളെ പഠിപ്പിക്കാൻ AI ഉപയോഗിച്ച് അരാമെക്‌സ്

സംഘര്‍ഷത്തിന്റെ പശ്ചാത്തലം

വെള്ളിയാഴ്ച മുതല്‍ ഇസ്‌റാഈല്‍ ഇറാനിലെ സൈനിക, ആണവ കേന്ദ്രങ്ങള്‍ ഉള്‍പ്പെടെ നിരവധി സ്ഥലങ്ങളില്‍ വ്യോമാക്രമണം നടത്തുകയാണ്. ഇത് മേഖലയിലെ സംഘര്‍ഷം രൂക്ഷമാക്കിയിട്ടുണ്ട്. ഇതിന് മറുപടിയായി ഇറാന്‍ ഇസ്‌റാഈലും തിരിച്ചടി നടത്തിയിരുന്നു.

In a unified stance, 21 nations—among them Saudi Arabia and the UAE—have strongly opposed Israel’s military action against Iran, calling for regional stability and de-escalation.