ആരോഗ്യത്തിന് പാല്‍ കുടിക്കുന്നത് നല്ലതാണെന്ന് നമുക്കറിയാം. എന്നാല്‍ പാല്‍ ചേര്‍ത്ത് ഒരു ചായയോ കാപ്പിയോ കുടിക്കുക എന്നത് മലയാളികളുടെ ഒരു ശീലമാണ്. പാലുല്‍പന്നങ്ങള്‍ പലതരത്തിലായി നമ്മള്‍ കഴിക്കാറുമുണ്ട്. ഐസ്‌ക്രീമും പനീറും ചീസും ബട്ടറും തുടങ്ങി പല രീതിയില്‍ നമ്മള്‍ പാലുല്‍പന്നങ്ങള്‍ കഴിക്കുന്നവരാണ്. എന്നാല്‍ പോഷകങ്ങളുടെ കലവറയായ പാല്‍ കുടിച്ചാല്‍ ശരീരത്തിന് എന്താണ് സംഭവിക്കുക? 

എല്ലുകള്‍ക്ക്

വൈറ്റമിന്‍ ഡിയും എല്ലുകളുടെ ആരോഗ്യത്തിന് നല്‍കുന്ന കാത്സ്യവും പാലില്‍ ധാരാളമുണ്ട്. പ്രോട്ടീന്റെ മികച്ച ഉറവിടമായ പാല്‍ ദിവസവും കുടിക്കുന്നത് എല്ലുകള്‍ക്കും സന്ധികള്‍ക്കും ഉറപ്പ് ലഭിക്കുന്നതാണ്. 

ALSO READ: നിങ്ങള്‍ക്ക് വീടിന്റെ ബാല്‍ക്കണിയില്‍ എളുപ്പത്തില്‍ വളര്‍ത്തിയെടുക്കാവുന്ന 3 പഴങ്ങള്‍

ഭാരം കുറയ്ക്കാന്‍

ശരീരഭാരം കുറയ്ക്കണമെന്നുണ്ടെങ്കില്‍ പാല്‍ പതിവായി ഉള്‍പ്പെടുത്താവുന്നതാണ്. പാലില്‍ അന്നജവും പ്രോട്ടീനും കൊഴുപ്പും ശരിയായ രീതിയിലാണ് അടങ്ങിയിട്ടുള്ളത്. പാല്‍ കുടിച്ചു  കഴിഞ്ഞാല്‍ വയര്‍ നിറഞ്ഞതു പോലെ തോന്നിപ്പിക്കുന്നതും ഇതുകൊണ്ടാണ്. പാലിലെ അന്നജം ഊര്‍ജം നല്‍കുകയും പ്രോട്ടീന്‍ വയര്‍ നിറഞ്ഞ പോലെ തോന്നലുണ്ടാക്കുകയും ചെയ്യും. ബ്രോഞ്ച്ഡ് ചെയ്ന്‍ അമിനോ ആസിഡും അടങ്ങിയതിനാല്‍ മസില്‍ മാസ് ഉണ്ടാകാനും സഹായിക്കും. പാലിലടങ്ങിയ കേസിന്‍, വേയ് പ്രോട്ടീനുകള്‍ പേശികളുടെ നിര്‍മാണത്തിനും സഹായിക്കും. 

പ്രമേഹസാധ്യത

പതിവായി പാല്‍ കുടിക്കുന്നത് ടൈപ്പ് 2 പ്രമേഹത്തിനുള്ള സാധ്യത കുറയ്ക്കും. മധുരപാനീയങ്ങള്‍ക്കു പകരം പാല്‍ കുടിക്കുന്നത് രക്തത്തിലെ പഞ്ചസാരയുടെ അളവ് വര്‍ധിക്കാതെ നിയന്ത്രിക്കുന്നതാണ്. 

ഹൃദയത്തിന്
 
പാലില്‍ പൊട്ടാസ്യം അടങ്ങിയിട്ടുള്ളതു കൊണ്ടു തന്നെ പാലും പാലുല്‍പന്നങ്ങളും പതിവായി ഉപയോഗിക്കുന്നത് ഹൃദയസംബന്ധമായ രോഗങ്ങള്‍ക്കും പക്ഷാഘാതത്തിനുമുള്ള സാധ്യത കുറയ്ക്കുന്നു.

കാത്സ്യത്തിന് കീമോ പ്രൊട്ടക്ടീവ് ഗുണങ്ങളുള്ളതിനാല്‍ പാല്‍ കുടിക്കുന്നത് മലാശയ അര്‍ബുദം വരാനുള്ള സാധ്യതയും കുറയ്ക്കുമെന്ന് പഠനങ്ങളും പറയുന്നു. എന്നാല്‍ കൂടിയ അളവില്‍ പാല്‍ കുടിക്കുന്നത് പ്രോസ്‌റ്റേറ്റ് കാന്‍സര്‍ വരാനുള്ള സാധ്യത കൂട്ടുമെന്നാണ്. കാത്സ്യം കൂടുതലായതിനാല്‍ ആണിത്. എന്നാല്‍ ദിവസവും പാല്‍ കുടിക്കുന്നതു കൊണ്ട് കാന്‍സര്‍ വരുമെന്ന് അര്‍ഥവുമില്ല. 

Milk is not harmful when added to tea or coffee, but if you're looking for maximum antioxidant benefit, you might prefer black tea or black coffee. As with most things—moderation is key.